Edi Rama, Sali Berisha dhe Shkëlzen Berisha Në politikë, Rama dhe Berisha vazhdojnë përplasjen publike. Në biznes, dy kampet politike janë kthyer në ortakë; qeveria vë në dispozicion prona shtetërore, ndërsa biznesmenët e lidhur nga të dyja krahët bëjnë investimet... Qokat mes dy familjeve që kanë marrë peng Shqipërinë vazhdojnë. Qeveria e Edi Ramës ka miratuar një tjetër vendim që çon te rrethi i biznesmenëve të përfolur për lidhje me familjen Berisha. Këtë herë bëhet fjalë për 90 030 metra katrorë tokë shtetërore në Gjirin e Lalëzit, të cilat qeveria ia ka vënë në dispozicion me tarifën simbolike 1 euro shoqërisë “Omnix Albania”.
Kompania ka marrë statusin e investitorit strategjik për një resort turistik me vlerë të parashikuar rreth 216 milionë euro. Por ajo që bie në sy është struktura e pronësisë. Plot 50% të “Omnix Albania” e zotëron shoqëria “KLAR”, në pronësi të Shkëlqim Beshirit, biznesmen i përfolur për lidhje të afërta me Shkëlzen Berishën. Beshiri është një biznesmen që është bërë i njohur si “presta nome” i Shkëlzen Berishës në shumë biznese trojesh të hedhura në emër të tij.
Por jo vetëm kaq, Beshiri është shfaqur edhe në projektin për transformimin e Pallatit të Kongreseve. “KLAR” ishte pjesë e konsorciumit fitues për zhvillimin e kësaj zone, ku shteti ka vënë në dispozicion 4760 metra katrorë truall publik dhe ku projekti parashikon ndërtime për banim, zyra, tregti dhe shërbime. Rama tjetër qokë familjes Berisha, Shkëlzeni do të ndërtojë kullën te Pallati i Kongreseve! 2 Qershor, 19:26 Por ortakëria në “Omnix Albania” nuk mbaron te Beshiri. Nga 17.5% të aksioneve zotërohen nga “Matrix Konstruksion” dhe “Blessed Investment”, kompani të lidhura përkatësisht me Arian dhe Besnik Leskajn, djemtë e ish-deputetes socialiste Valentina Leskaj. Pjesa tjetër prej 15% zotërohet nga “RDA Petrol” e Fation Veizajt, ish-deputet i Partisë Demokratike.
Pra, brenda së njëjtës kompani bashkohen interesa biznesi të lidhura me emra që vijnë nga të dyja krahët e politikës, PD dhe PS.
Ndërkohë që nga ana tjetër, vlen të theksohet se historia e “Omnix Albania” në Gjirin e Lalëzit ka nisur rreth një dekadë më parë dhe me një pronar tjetër. Kompania lidhej atëherë me biznesmenin libanez Fadi Mitri, i cili kishte planifikuar një investim prej rreth 450 milionë eurosh në zonë. Në vitin 2016, Mitri u dhunua rëndë. Pas sulmit, biznesmeni u tërhoq nga investimi dhe nuk u rikthye më në Shqipëri. Kompania ndryshoi më pas pronësinë dhe sot kapitali i saj kontrollohet nga katër kompani shqiptare.
“Omnix Albania” u rikthye në Gjirin e Lalëzit në korrik 2022, kur mori statusin “Investim/Investitor Strategjik Procedurë e Veçantë” për projektin “Resort turistik me vendndodhje në Gjirin e Lalëzit”. Projekti parashikon ndërtimin e një kompleksi me park rezidencial, bulevard, hotel me pesë yje, park ujor, klub fëmijësh dhe klub plazhi.
Sipas dokumentacionit, kompleksi do të shtrihet në më shumë se 237 mijë metra katrorë, prej të cilave 145 400 m² janë në pronësi të kompanisë. Projekti përfshin gjithashtu sipërfaqe shtetërore dhe rreth 81 mijë m² plazh.
Në politikë, Rama dhe Berisha vazhdojnë përplasjen publike. Në biznes, dy kampet politike janë kthyer në ortakë; qeveria u vë në dispozicion prona shtetërore, ndërsa biznesmenët e lidhur nga të dyja krahët bëjnë investimet./Pamfleti
VENDIMI I PLOTË:
Njoftimi i Këshillit të Ministrave:
VENDIM PËR MIRATIMIN E VËNIES NË DISPOZICION TË PASURIVE TË PALUAJTSHME SHTETËRORE NR.178/44, NR.152/43 DHE NR.182, NË ZONËN KADASTRALE 1522, BASHKIA DURRËS, NË ZONAT ME PËRPARËSI ZHVILLIMIN E TURIZMIT, ME TARIFËN SIMBOLIKE 1 EURO, NË MBËSHTETJE TË INVESTIMIT STRATEGJIK NË FUSHËN E TURIZMIT, SI DHE PËR MIRATIMIN E PROJEKTMARRËVESHJES NDËRMJET MINISTRISË SË TURIZMIT, KULTURËS DHE SPORTIT DHE SHOQËRISË “OMNIX ALBANIA”, SH.P.K.
Në mbështetje të nenit 100 të Kushtetutës, të pikës 1, të nenit 27, të ligjit nr.55/2015, “Për investimet strategjike në Republikën e Shqipërisë”, të ndryshuar, të neneve 35 e 36, të ligjit nr.93/2015, “Për turizmin”, të ndryshuar, dhe në vijim të krerëve I, pika 4.2, dhe IV, pika 2, të vendimit nr.162, datë 2.3.2016, të Këshillit të Ministrave, “Për rregullat, procedurat dhe mënyrat e vënies në dispozicion të pasurive të paluajtshme shtetërore në zonat me përparësi zhvillimin e turizmit”, të ndryshuar, dhe të vendimit nr.691, datë 5.10.2016, të Këshillit të Ministrave, “Për miratimin e formatit të marrëveshjes me investitorët në fushën e turizmit”, me propozimin e ministrit të Turizmit, Kulturës dhe Sportit, Këshilli i Ministrave
V E N D O S I:
1. Miratimin e vënies në dispozicion të pasurive të paluajtshme shtetërore nr.178/44, nr.152/43 dhe nr.182, në zonën kadastrale 1522, Bashkia Durrës, me sipërfaqe të përgjithshme 90 030 (nëntëdhjetë mijë e tridhjetë) m², në pronësi shtetërore, në zonat me përparësi zhvillimin e turizmit, në favor të shoqërisë “OMNIX ALBANIA”, sh.p.k., në mbështetje të investimit strategjik në fushën e turizmit.
2. Miratimin e lidhjes së marrëveshjes së përdorimit me tarifë simbolike 1 euro ndërmjet Ministrisë së Turizmit, Kulturës dhe Sportit dhe shoqërisë “OMNIX ALBANIA”, sh.p.k., sipas tekstit të projektmarrëveshjes, që i bashkëlidhet këtij vendimi dhe është pjesë përbërëse e tij.
3. Ngarkohen Ministria e Turizmit, Kulturës dhe Sportit, Agjencia Shtetërore e Kadastrës dhe shoqëria “OMNIX ALBANIA”, sh.p.k., për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.rama berisha Lini një Përgjigje Anuloje përgjigjen Aktualitet “Arrestoni Ramën dhe Berishën”, protesta e 104-të në rrugët e Tiranës 11 Shtator 2026, 19:4919:49Aktualitet Nga Anglia drejt Tiranës për protestën, emigranti shqiptar: Jemi bllokuar në Mal të Zi me urdhër të Ramës 11 Shtator 2026, 19:3919:39Aktualitet “Studentët në situatë të rënduar ekonomike”, profesori: Gjenerata Z, shpresa që i kishte munguar Shqipërisë 11 Shtator 2026, 18:3318:33Aktualitet “Pse diaspora duhet të na tregojë çfarë të bëjmë? Selmani: Rëndësia e protestës qëndron te mesazhi! 11 Shtator 2026, 18:1518:15Aktualitet Përplasjet në mediat sociale, Demokratët Europianë apel Ramës: Mos shpenzoni kohë duke debatuar me ne, dëgjoni popullin 11 Shtator 2026, 17:4317:43Aktualitet Skënder Hita porosi Policisë: Fokus te grupet kriminale, armët, droga dhe siguria në shkolla 11 Shtator 2026, 17:0817:08Aktualitet