Milani ka marrë një goditje të rëndë pas transfertës angleze kundër Bournemouth, pasi infermierisë së klubit i janë shtuar 3 lojtarë të tjetër. Sipas raporteve mjekësore, mbrojtësi Mario Gila vuan nga një inflamacion nga mbingarkesa në kyçin e këmbës së majtë.
Mesfushori Adrien Rabiot ka shfaqur probleme me një lodhje muskulore në pulpën e djathtë, ndërsa Diego Moreira ka pësuar një tërheqje në fleksorin e majtë.
Këta 3 futbollistë do të mungojnë me siguri në transfertën e kampionatit kundër Udinese, duke iu bashkuar mungesave të rëndësishme të Gabbia, Chukëueze dhe Saelemaekers.
Për stafin mjekësor kuqezi, prioriteti kryesor mbetet rikuperimi i tyre për derbin e së shtunës së ardhshme, një objektiv i cili konsiderohet i vështirë për t'u arritur. Situata bëhet edhe më e ndërlikuar për shkak se mbrojtësi Pavlovic nuk është në kushte optimale fizike, pavarësisht se pritet të shtrëngojë dhëmbët për të qenë në fushë.
Gjithashtu, gjendja e mesfushorit Loftus-Cheek mbetet për t'u vlerësuar, pasi ai u zëvendësua që në përfundim të pjesës së parë kundër Bournemouth për shkak të shqetësimeve fizike.
Për shkak të kësaj emergjence me vetëm 17 lojtarë fushe në dispozicion, trajneri Ruben Amorim do të detyrohet të ndërtojë formacionin kundër Udinese duke grumbulluar elementë nga ekipi i dytë, Milan Futuro. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.