Arrest në burg është masa e sigurisë që caktoi Gjykata e Sarandës për Sokrat Vatën, autorin e dyshuar të vrasjes së turistit portugez Luis Miguel Varela Mendes, orët e para të mëngjesit të 18 gushtit në lokalin “Principote” në Ksamil. Pas seancës që zgjati për më shumë se 9 orë, togat e zeza lanë gjithashtu në burg pa afat dy turqit Ezgi Parlak dhe Nuh Mahmutoglu (Mahmutollu) të cilët tentuan ta largonin drejt Tiranës Vatën, duke e futur në bagazhin e makinës LEXO edhe...Vrasja e portugezit në Ksamil, autori Sokrat Vata kërkon ndjesë para gjykatës: Nuk e kujtoj sesi e godita, isha në gjendje shoku! Për Ildi Cekanin, Serxhi Selimin dhe Ervis Buncin (kamarierë) të cilët dyshohet se janë bërë pjesë e konfliktit, duke qëlluar me grushte në drejtim të 20-vjeccarit portugez, gjykata vendosi arrest bnë burg me një afat 45-ditor. Nga ana tjetër, u vendos ‘detyrim paraqitjeje’ për truprojat Luciano Seferi, Moisid Matushaj, Romeo Shehu dhe Kristo Kosho si dhe për kamarierin Murat Zhabina. Luciano Seferi, Moisid Matushaj dhe Romeo Shehu, ishin të dypunësuar pa leje si truproja, pasi punonin edhe në Policinë e Shtetit, në Policinë e Burgjeve dhe Policinë Bashkiake. Report Tv mëson se autori i dyshuar Sokrat Vata ka shprehur pendesë për ngjarjen para togave të zeza. Ai ka pretenduar se grupi i turistëve të huaj i kishte sharë dhe i kishte goditur, dhe se thikën ia kishte marrë portugezit teksa përpiqej ta neutralionte. “Në këtë moment dikush nga turistët e huaj më goditi me shkelm në nofull, aty jam rrëzuar ata kanë tentuar të më godasin sërish, instiktivisht kam lëvizur dorën për tu mbrojtur, nuk e kujtoj si e kam goditur, pasi isha nën shok nuk e dija nëse ndonjëri nga ata ishte plagosur, pasi ishin shumë”, ka pretenduar Vata para Gjykatës. Përgjatë gjithë ditës, jashtë dyerve të gjykatës së Sarandës prisnin familjarët e të akuzuarve. Aty u dëgjuan edhe thirrjet e familjarëve: ‘Sokrat të duam shumë’ dhe ‘shpirti i mamit, të dua shumë!’. Sipas hetimeve, konflikti nisi në ambientet e lokalit “Principote” dhe më pas vijoi në plazhin e lokalit “Paradise”. 20-vjeçari Luis Miguel Varela Mendes, dyshohet se u godit fillimisht me grushte nga David Heurtevent, alias Danjel Gjana, shpallur në kërkim. Ndërsa goditjen fatale me thike e mori nga Sokrat Vata. Gjana dhe Vata akuzohen për Vrasje me dashje, kryer në bashkëpunim. Ndërsa pronari i lokalit, Bekim Bulica është në kërkim për moskallëzim krimi. Personat e përfshirë dhe rolet e tyre në ngjarje1. Sokrat Lipan alias Sokrat Vata – autori i dyshuar i krimit, i arrestuar.2. Nuh Mahmutoglu – shtetas turk, i arrestuar; dyshohet se ndihmoi autorin në tentativën për t’u arratisur.3. Ezgi Perlak – shtetase turke, e arrestuar; dyshohet se ndihmoi autorin në tentativën për t’u arratisur.4. Serxhi Selimi – kamerier në lokal.5. Ervis Bunci – kamerier në lokal.6. Ildi Cekani – kamerier në lokal.7. Murat Zhabina – kamerier në lokal.8. Miosid Matushaj – oficer i Policisë në Gjirokastër; i arrestuar, por ende nuk është pezulluar nga detyra.9. Luciano Seferi – punonjës i Policisë së Burgjeve në Fier; i arrestuar, por ende nuk është pezulluar nga detyra.10. Romeo Shehu – polic bashkiak në Gjirokastër; i arrestuar dhe i pezulluar nga detyra.11. Kristi Koshi – i arrestuar; funksioni apo vendi i tij i punës nuk dihet.12. David Heurtevent – klient në lokal, i shpallur në kërkim si bashkëpunëtor në krim.13. Bekim Bulica – pronar i lokalit, i shpallur në kërkim për fshehjen e krimit.------------------------------- Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë Ora 22:04 Vrasja e portugezit në Ksamil, autori Sokrat Vata kërkon ndjesë para gjykatës: Nuk e kujtoj sesi e godita, isha në gjendje shoku! Autori i dyshuar i vrasjes së 20-vjeçarit portugez në Ksamil, Sokrat Vata, ka shprehur pendesë në Gjykatën e Sarandës për krimin e kryer dhe u ka shprehur ngushëllimet familjarëve të viktimës.Ai ka treguar edhe versionin e tij të ngjarjes, ku ka thënë se sherri nisi pas zhurmës që turistët francezë po bënin brenda lokalit.Vata tha se ai dhe kolegu i tij i kishin kërkuar që të mbanin qetësi, por sipas tij, në përgjigje morën sulme nga ana e turistëve.“U kërkoj ndjesë familjarëve të viktimës, u shpreh ngushëllimet e mia dhe jam penduar për atë që ka ndodhur. Një grup turistësh francezë ishin brenda në lokal dhe po bënin zhurmë. Shoku im u kërkoi që të mbanin qetësi, por ata nuk u bindën dhe filluan të na shanin. U afruam më pranë dhe u kërkuam sërish të mbanin qetësi, por ata filluan të na godisnin”, tha mes të tjerash Vata.Më pas Vata tha se gjatë përleshjes fizike dolën në pjesën e jashtme. 29-vjeçari pretendoi se aty konstatoi se njëri prej turistëve kishte një thikë. Vata tha se ia kishte marrë thikën turistit dhe në përpjekje për t’u vetëmbrojtur, kishte qëlluar instiktivisht."Gjatë përleshjes fizike kemi dalë në pjesën e jashtme. Njëri prej tyre kishte një thikë, e kam neutralizuar dhe i kam marrë thikën. Në këtë moment, dikush nga turistët e huaj më goditi me shkelm në nofull. Aty jam rrëzuar dhe ata kanë tentuar të më godasin sërish. Instinktivisht kam lëvizur dorën për t’u mbrojtur. Nuk e kujtoj se si e kam goditur, pasi isha nën shok. Nuk e dija nëse ndonjëri prej tyre ishte plagosur, pasi ishin shumë. Nga shoku jam larguar”, ka pretenduar Sokrat Vata. Share Ora 12:02 Vrasja e portugezit te 'Principotes', momenti kur autori Sokrat Vata mbërin në Gjykatën e Sarandës! Thirrja e një nëne: Shpirti i mamit, të dua (VIDEO) Report Tv ka siguruar momentin kur Sokrat Vata dhe 10 të tjerë të përfshirë në vrasjen e Portugezit te ‘Principotes’ në Ksamil mbërrin në Gjykatën e Sarandës.Nga pamjet e siguruara shihet se 29-vjeçari veshur me një bluzë të errët dhe pantallona të shkurtra është i pari që zbret makina e policisë. Pas tij nën masa të rrepta sigurie nga forcat “Shqiponja” dhe FNSH-ja shoqërohen edhe të tjerët.Ndërkohë në momentin që 11 të arrestuarit hyjnë drejt gjykatës, të pranishëm kanë qenë edhe familjarët e tyre."Shpirti i mamit, të dua shumë! Zemra ime", dëgjohet të thotë një grua, teksa i thonë gazetarëve që të mos filmojnë."Shpirt', Sokrat", dëgjohet të thotë një tjetër. Share Xh.K/R.Xh/ReportTv.al Murat Zhabina Ildi Cekani Nuh Mahmutoglu Ezgi Perlak Ervis Bunci Moisid Matushaj David Heurtevent Kristi Koshi Romeo Shehu Bekim Bulica Sokrat Vata Luis Miguel Varela Mendes vrasja e portugezit Principotes Ksamil gjykata e sarandes Vlore sarande Komento Komente Sondazhi i ditës: Cili është shkaku i konflikteve në Shqipëri? Politika 57.4% Shoqëria 26.9% Social media 15.8% Vota total: 5813 Sondazhi i ditës: Cili është shkaku i konflikteve në Shqipëri?
