Zgjerimi i Bashkimit Evropian është një investim strategjik që e bën unionin më të fortë, më të sigurt dhe më të bashkuar. Ky ishte mesazhi që përcolli ministri për Evropën dhe Punët e Jashtme, Ferit Hoxha, gjatë Forumit Strategjik të Bledit ku mori pjesë në panelin mbi "Zgjerimin si Mjeti i Ardhshëm Gjeopolitik i Evropës" së bashku me Komisioneren Marta Kos. Në fjalën e tij Hoxha theksoi se teksa zgjerimi është dhe duhet të mbetet një proces i bazuar në meritë, besueshmëria mbetet thelbësore, po aq sa edhe ruajtja e ritmit të negociatave. LEXO edhe...Hoxha takon Nënsekretaren amerikane Allison Hooker: Shqipëria dhe SHBA thellojnë partneritetin strategjik “Ne kemi bërë dhe po bëjmë zgjedhje të vështira, kemi ndërmarrë reforma të gjera dhe mbetemi plotësisht të angazhuar në fuqizimin e institucioneve demokratike”, u shpreh ai. Sipas Hoxhës, Shqipëria nuk pret vetëm të përfitojë nga anëtarësimi në Bashkimin Evropian, por synon të japë edhe kontributin e saj në forcimin e Unionit. "Anëtarësimi në BE është njëkohësisht një aspiratë dhe një ofertë. Ne kërkojmë përfitimet e përkatësisë, por jemi po aq të gatshëm të kontribuojmë në forcën, konkurrueshmërinë dhe sigurinë e Unionit të cilit do t'i bashkohemi", nënvizoi Hoxha. Historia, tha Ministri i Jashtëm, ka treguar se çdo raund zgjerimi e ka bërë Bashkimin Evropian më të fortë, më të begatë dhe më me ndikim. Zgjerimi i ardhshëm, sipas tij, nuk do të jetë ndryshe. Ora 17:20 Hoxha takon Nënsekretaren amerikane Allison Hooker: Shqipëria dhe SHBA thellojnë partneritetin strategjik Partneriteti mes Shqipërisë dhe Shteteve të Bashkuara, bashkëpunimi në kuadër të NATO-s dhe situata në Ballkanin Perëndimor ishin në qendër të takimit që ministri për Evropën dhe Punët e Jashtme, Ferit Hoxha, zhvilloi me Nënsekretaren amerikane të Shtetit për Çështjet Politike, Allison Hooker, në margjinat e Forumit Strategjik të Bledit.Hoxha bëri të ditur se takimi ishte një vijim i bisedimeve të zhvilluara në Uashington gjatë muajit korrik. Sipas tij, palët riafirmuan partneritetin strategjik mes dy vendeve dhe diskutuan për bashkëpunimin në mbrojtje e siguri, koordinimin në NATO, në prag të samitit të ardhshëm të Aleancës që do të mbahet në Shqipëri, si edhe për zhvillimet e fundit në Ballkanin Perëndimor dhe rëndësinë e ruajtjes së stabilitetit e sigurisë në rajon." Ishte kënaqësi të takohesha me Nënsekretaren e Shtetit për Çështjet Politike, Allison Hooker, në margjinat e Forumit Strategjik të Bledit. Në vijim të diskutimeve tona në Uashington, korrikun e kaluar, riafirmuam rëndësinë e partneritetit strategjik Shqipëri-SHBA dhe angazhimin tonë të përbashkët për të thelluar më tej bashkëpunimin tonë dypalësh në fushat me interes të ndërsjellë. Shkëmbyem mendime mbi bashkëpunimin në mbrojtje dhe siguri, si dhe mbi bashkëpunimin tonë brenda NATO-s, veçanërisht pas Samitit në Ankara dhe përpara Samitit të ardhshëm të Aleancës në Shqipëri. Diskutuam gjithashtu mjedisin e sigurisë dhe zhvillimet e fundit në Ballkanin Perëndimor, duke riafirmuar rëndësinë e angazhimit të vazhdueshëm në mbështetje të stabilitetit dhe sigurisë rajonale. Shqipëria dhe Shtetet e Bashkuara janë të bashkuara nga një partneritet i gjatë i rrënjosur në vlerat e përbashkëta demokratike, solidaritetin transatlantik dhe një angazhim të përbashkët për sigurinë. Ne mezi presim të vazhdojmë dialogun dhe bashkëpunimin tonë të ngushtë, me fokus në arritjen e rezultateve të prekshme që avancojnë interesat tona të përbashkëta dhe u sjellin dobi të dy vendeve tona" shkroi Hoxha në rrjete sociale. Share Ora 08:02 Hoxha në Forumin Evropian Alpbach: Shqipëria po kontribuon në sigurinë e Evropës, gati për një rol të ri në adresimin e sfidave të përbashkëta Me ftesë të Ministres së Jashtme austriake, Beate Meinl-Reisinger, Ministri Ferit Hoxha mori pjesë në Forumin Evropian Alpbach në Austri, ku iu bashkua panelit të diskutimit "Aftësia dhe Ripërtëritja: Mobilizimi i Fuqisë së Evropës për të Vepruar".Gjatë diskutimit, Hoxha theksoi se për Shqipërinë si një vend i vendosur në rrugën e tij drejt anëtarësimit në BE, e tashmja dhe e ardhmja jonë janë thellësisht të ndërthurura me të ardhmen e vetë Evropës.Për këtë arsye sipas tij, sfidat e Evropës janë sfidat tona dhe vendimet e marra sot do të ndihmojnë në formësimin e Evropës së cilës aspirojmë t'i bashkohemi nesër."Shqipëria nuk po përgatitet vetëm për t'u bashkuar me BE-në. Ne tashmë po kontribuojmë në sigurinë dhe stabilitetin e Evropës përmes përputhjes sonë të palëkundur me Politikën e Jashtme dhe të Sigurisë së BE-së, duke përfshirë miratimin e sanksioneve të BE-së dhe pjesëmarrjen në misionet dhe operacionet e udhëhequra nga BE-ja; përmes rolit tonë aktiv brenda NATO-s; dhe përmes angazhimit tonë të vendosur ndaj vlerave, parimeve dhe përgjegjësive që mbështesin projektin Evropian. Ne jemi të gatshëm të marrim një rol edhe më të madh në adresimin e sfidave tona të përbashkëta", tha Hoxha.Ministri nënvizoi se ambicia jonë nuk është thjesht të jemi gati për Evropën, por të jemi të dobishëm për Evropën."Evropa të cilës kërkojmë t'i bashkohemi nuk duhet të jetë vetëm më e madhe. Duhet të jetë një Bashkim që është më i aftë të veprojë, më i shpejtë kur është e nevojshme, më i fortë kur sfidohet dhe më i bashkuar kur ka më shumë rëndësi. Kjo është arsyeja pse Shqipëria vlerëson të jetë pjesë e diskutimit evropian sot: sepse duam të ndihmojmë në formësimin e Evropës së nesërme", deklaroi Ministri i Jashtëm. Share U.D/ReportTv.al Ferit Hoxha Marta Kos Forumi i Bled-it integrimi ne be Komento Komente Sondazhi i ditës: Bashkia e Tiranës pa drejtues në zyrë, kush e ka përgjegjësinë? Politika 30.5% Drejtësia 65.7% Nuk e di 3.7% Vota total: 2953 Sondazhi i ditës: Bashkia e Tiranës pa drejtues në zyrë, kush e ka përgjegjësinë?
