Jamie Vardy po pret vendimin e Sevillas për të vendosur të ardhmen e tij.
Sulmuesi anglez 39-vjeçar është lojtar i lirë pas përfundimit të aventurës me Cremonesen dhe dëshiron të vazhdojë karrierën në La Liga.
Megjithatë, Sevilla duhet fillimisht të largojë disa futbollistë dhe të krijojë hapësirë në fondin e pagave për ta regjistruar. Vardy ka shprehur gatishmërinë të ndryshojë kushtet e kontratës për t’iu përshtatur situatës financiare të klubit spanjoll.
Sezonin e kaluar ai zhvilloi 27 ndeshje në Serie A dhe realizoi 6 gola me Cremonesen. Për sulmuesin ka interes edhe nga Anglia, por prioritet mbetet oferta e Sevillas.
Klubi andaluzian nuk duhet të paguajë për transferimin e tij, pasi lojtari është pa kontratë. Vendimi përfundimtar pritet pasi Sevilla të mbyllë largimet e nevojshme nga skuadra. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.