Pasi e pa dështimin në pjesëmarrje të atyre që thërriti si dy protesta kombëtare, dhe që e nxorën PD-në në shesh pas një kohe të gjatë në mungesë, tubimin e të shtunës në mesditë para kryeministrisë, Sali Berisha e korrigjon duke e quajtur vetëm në mbështetje të revoltës studentore "Të gjithë me studentët, të gjithë për studentët, për suksesin e revoltës së tyre", tha Berisha. Demokratët i thërret të mblidhen para kryeministrisë, e ashtu siç ka ndodhur më parë, vetë kryetari i partisë pritet të mos dalë në protestë. LEXO EDHE:'Janë gjobitur protestues me syze 700 euro', Balla përplaset me Zhupën në Komision: I paguani për të dhunuar policinë! Demokratja: Merruni me ata që vjedhin buxhetin(VIDEO) Në fuqi mendon të lë edhe skenarin për të shtyrë demokratët të hyjnë mes studentëve, që në dy të shtuna të kaluara, i refuzuan në mënyrë demonstrative para ministrisë së Arsimit. "Do jetë pak a shumë ai skenar, megjithëse do përcaktohet", shtoi ai. Në një konferencë nga selia blu, kreu i Partisë Demokratike Sali Berisha, i përsëriti ftesën për bashkim partive të vogla opozitare, të njëjtave që deri dje i ka sulmuar hapur, se janë bërë me Ramën për të përçarë protestën. Sot, detyrohet të përtypë fjalët e tij. "E kuptoj se ka pasur shkëmbime jo miqësore midis faktorëve të ndryshëm opozitarë, t’i lëmë mënjanë ato, të bashkohemi kundër të keqes më të madhe. I kam dëgjuar kundërshtitë por prapë i ftoj dhe prapë kam besim se ata që ndihen opozitarë të vërtetë, do të gjejnë forcën dhe moralin e këtij bashkimi", tha Berisha. Artikulon se qëllimi i këtij bashkimi, që së pari duhet të arrihet në shesh, është rrëzimi i kryeministrit Rama, dhe zgjedhjet e parakohshme. "Të krijojmë qeveri teknike, në mënyrë që të bëjmë reformën zgjedhore dhe shqiptarët të votojnë të lirë, të zgjedhin kandidatët dhe forcat politike që u besojnë më shumë Besoj se kjo ofertë meriton të shqyrtohet dhe rishqyrtohet", shtoi ai. Share Xh.K / A.Hl K.Ta Shqiptarja.com TAG: sali berisha protestat kunder qeverise PD Sa e vlerësoni këtë artikull? ★ ★ ★ ★ ★ 1.0 / 5 (1 vlerësim) Faleminderit! LAJMET MË TË VLERËSUARA Komente Komento Saliu udhezon studentet: 06/11/2026 13:20 Kjo me kujton garen e lepurushit me dy iriqet...Nuk e kujtoni? Dy iriqet kishin zene edhe vend-nisjen edhe vend-mbritjen....Pra kudo qe te shkojne studentet do te gjejne SALIUN?! Përgjigju Sondazhi i ditës:
3 Nëntor, 11:50
Cilin mbështesni në përplasjen politike që u hap? Ramën 52.9% Veliajn 20.5% Asnjërin 26.6% Vota total: 847 Votat totale janë unike Sondazhi i ditës: 3 Nëntor, 11:50 Cilin mbështesni në përplasjen politike që u hap?