Një qytetar ka denoncuar pranë redaksisë një situatë të pakëndshme në zonën e rrugës “Xhavit Shyqyri Demneri”, në Tiranë. Sipas qytetarit, në këtë zonë ndodhet një pikë me mbetje të grumbulluara, e cila, sipas videos së dërguar, nuk është pastruar nga shërbimet përkatëse.
Qytetari ka shoqëruar denoncimin edhe me pamje video, ku kërkohet ndërhyrja e institucioneve përgjegjëse për pastrimin e zonës. Grumbullimi i mbetjeve, përveçse krijon një pamje të pakëndshme, mund të kthehet edhe në shqetësim për banorët dhe kalimtarët.
Banorët kërkojnë që Bashkia e Tiranës dhe shërbimet e pastrimit të marrin masa për largimin e mbetjeve dhe mirëmbajtjen e rregullt të kësaj hapësire. Tashmë pritet ndërhyrja e strukturave përgjegjëse për t’i dhënë zgjidhje situatës së raportuar nga qytetari.