Kreu i PD-së Sali Berisha ka reaguar për lirimin e ish-ministrit të Shëndetësisë Ilir Beqaj nga burgu.
Berisha akuzoi drejtësinë duke thënë se kontrollohet totalisht nga Rama.
Kryedemokrati theksoi se Ilir Beqja do dilte pasi vjedhjet e mëdha i bëri me Edi Ramën. Sipas tij madje duhet t’i kërkojnë të falur se e mbajtën shumë në burg. “Komentet e mia janë këto, lirimi i Ilir Beqës është dëshmi e fundit flagrante e kontrollit të plotë dhe total të sistemit të drejtësisë nga Edi Rama. Totalisht!
Vetë akuza kundër tij ishte qesharake në raport me plaçkitjen e qindra milionë eurove.
Mos harro se sterilizimi, dhe iniciator është Edi Rama, të jemi të sinqertë, se dilte ekran më ekran me një gërshërë të thyer dhe me një pincë të ndryshkur se ja me çfarë operoheshin, rriti me 84 përqind çmimin e sterilizimit në Shqipëri.
Natyrisht Ilir Beqja do dilte se Ilir Beqja vjedhjet e mëdha i bëri me Edi Ramën.
Ilir Beqja do dilte se jo më pak përgjegjëse ishte Korba e Covid-it. Ajo është një nga figurat më të urryera në historinë e këtij vendi, përgjegjëse me qëndrimët e saj kriminale dhe të Edi Ramës për 20 mijë vdekje shtesë nga Covid-i. Ajo ato të Covid-it, por mbi Covid-in.
Domethënë që Covid-i në Shqipëri u zhvillua më rëndë se në çdo vend tjetër sepse Shqipëria edhe në kulmin e Covid-it pati në dispozicion të qytetarëve të saj as gjysmën e shtretërve që kishte Kosova.
Kosova kishte 1200 shtretër, Shqipëria kishte 500 shtretër. Bile t’i kërkojnë të falur Beqës që e mbajtën shumë. Na fal o Beqje se të mbajtëm si shumë”, tha Berisha./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.