Situata te Napoli nuk është aspak e qetë pas rezultateve të fundit. Trajneri Massimiliano Allegri po përballet me një nga sfidat më të vështira të karrierës së tij, pasi skuadra e Napolit ka regjistruar një nisje tepër zhgënjyese të sezonit.
Humbjet e njëpasnjëshme kanë krijuar një distancë pikësh si në kampionatin italian, ashtu edhe në Ligën e Kampioneve. Me plot pesë disfata të grumbulluara në të dyja kompeticionet, presioni mbi pankinën e trajnerit ka filluar të rritet ndjeshëm.
Distanca me zonën që siguron kualifikimin në Europë rrezikon të shkojë në gjashtë pikë, ndërkohë që bilanci negativ me zero pikë në fazën e grupeve të Ligës së Kampioneve, e vendos kapitenin Di Lorenco dhe pjesën tjetër të ekipit në një pozitë tepër delikate, me shpatulla pas murit.
Megjithatë, pavarësisht zërave për një krizë të thellë, drejtuesit e klubit kanë vendosur të mos marrin vendime drastike. Presidenti i klubit, Aurelio De Laurentis, ka zgjedhur të mbrojë trajnerin e tij në këtë moment kritik.
Ndonëse rezultatet mungojnë dhe sjellin shqetësim, paraqitja e skuadrës në fushën e lojës vlerësohet ende si pozitive. Nga ana e tij, trajneri Allegri ka bërë thirrje për qetësi, duke u shprehur se ai është përballur me situata të ngjashme edhe në të shkuarën dhe se e vetmja rrugëdalje nga ky ngërç është përqendrimi te puna e përditshme. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.