Kazakistani ka testuar një mjet mbi kryeqytetin e vendit, Astana, duke shënuar një hap drejt taksive ajrore.
Media kazake "Tiek" raporton se mjeti i prezantuar i përket klasës eVTOL, të mjeteve fluturuese elektrike me ngritje dhe ulje vertikale. Kjo teknologji po zhvillohet si një alternativë miqësore ndaj mjedisit dhe me shpejtësi të lartë krahasuar me automjetet konvencionale.
Sipas specifikimeve teknike të deklaruara, taksia ajrore për pasagjerë mund të arrijë shpejtësi deri në 200 kilometra në orë gjatë fluturimit. Autoritetet po shqyrtojnë fillimisht itinerare turistike me kohëzgjatje nga 5 deri në 30 minuta mbi atraksione natyrore, kulturore dhe historike, ndërsa planet afatgjata përfshijnë integrimin e mjeteve fluturuese autonome në rrjetin e transportit.
Zyrtarët shohin gjithashtu mundësi përdorimi në dërgesat mjekësore, shuarjen e zjarreve, operacionet e kërkim-shpëtimit dhe logjistikë. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.