Finladë-Shqipëri Ndodhin të gjitha në Helsinki. Berisha ndëshkohet me të kuq, Finlanda barazon ndaj Shqipërisë Ka përfunduar 1-1 pjesa e parë e sfidës Finlandë-Shqipëri në Helsinki, në ndeshjen e tretë të kuqezinjve në Ligën e Kombeve.
Kombëtarja e Rolando Maranit e nisi ndeshjen në mënyrën më të mirë. Vetëm katër minuta i mjaftuan Shqipërisë për të gjetur golin. Kristjan Asllani ekzekutoi goditjen e këndit dhe Rei Manaj goditi saktë me kokë, duke kaluar kuqezinjtë në avantazh. Shqipëria po administronte rezultatin dhe po kontrollonte lojën, por në minutën e 22-të ndeshja ndryshoi. Etrit Berisha ndërhyri jashtë zonës dhe arbitri e ndëshkoi portierin kuqezi me karton të kuq, duke e lënë Shqipërinë me dhjetë lojtarë. Rolando Maran u detyrua të ndryshonte menjëherë planet dhe në portë hyri Alen Sherri.
Finlandës iu deshën vetëm katër minuta për të shfrytëzuar epërsinë numerike. Në minutën e 26-të, Leo Walta ekzekutoi një goditje dënimi rrafsh me tokën dhe mposhti Sherrin për rezultatin 1-1. Kuqezinjtë duhet të përballojnë kështu të gjithë pjesën e mbetur të ndeshjes me një lojtar më pak, pikërisht në transfertën që përball dy skuadrat e para të grupit.
Shqipëria mbërriti në Helsinki si kryesuese me 6 pikë, pas fitores 2-0 ndaj Bjellorusisë dhe suksesit 3-0 ndaj San Marinos. Finlanda e nisi ndeshjen në vendin e dytë me 4 pikë, të siguruara nga fitorja 7-0 ndaj San Marinos dhe barazimi 0-0 me Bjellorusinë.
Pjesa e parë u mbyll 1-1, por kartoni i kuq i Berishës ka ndryshuar plotësisht kushtet e një ndeshjeje që Shqipëria e nisi në avantazh dhe tashmë duhet ta vazhdojë me dhjetë lojtarë. finlanda shqipëria liga e kombeve Lini një Përgjigje Anuloje përgjigjen Sport Shqipëria e pëson në momentin më të mirë, Etrit Berisha ndëshkohet me karton të kuq; Finlanda barazon shifrat (Video) 3 Tetor 2026, 15:2815:28Sport Zhbllokohet ndeshja në Finlandë, Shqipëria në avantazh (Video) 3 Tetor 2026, 15:0715:07Sport Straton sfida Finlandë-Shqipëri, kuqezinjtë në Helsinki për të “firmosur” kreun 3 Tetor 2026, 15:0315:03Sport Maran përzien sërish “kartat”, zbulohet formacioni i Shqipërisë për sfidën me Finlandën 3 Tetor 2026, 14:0514:05Sport Maran befason me vendimet para Finlandës, tre kuqezinj në tribunë 3 Tetor 2026, 13:4413:44Sport Shqipëria sfidon “big”-ët, ndeshja me Finlandën bëhet më e ndjekura e vitit 3 Tetor 2026, 11:5711:57Sport