Ertjan Kofsha ngre lart flamurin kuqezi në Europianin e Peshëngritjes në Durrës, duke u shpallur kampion Europe në shkëputje dhe duke fituar medaljen e argjendtë në dygarësh, pas një paraqitjeje mbresëlënëse në pedanë. Peshëngritësi shqiptar siguroi medaljen e artë në shkëputje me një provë të tretë fantastike, ku ngriti 167 kilogramë, duke konfirmuar forcën dhe nivelin e tij mes më të mirëve të kontinentit. LEXO edhe...Shoqëria Rajonale Ujësjellës Kanalizime Durrës: Nesër probleme me furnizimin e ujit në disa zona Spektakli vijoi edhe në shtytje! Kofsha e nisi garën me 193 kilogramë, duke ndezur entuziazmin e të pranishmëve. Më pas, ai realizoi me sukses edhe provën me 196 kilogramë, përpara se të sfidonte veten me 200 kilogramë në tentativën e tretë. Me një ngritje impresionuese, Ertjan Kofsha triumfoi edhe një herë mbi pedanë, duke e kurorëzuar suksesin me festën karakteristike të shqiponjës dykrenare, në një moment krenarie për sportin shqiptar. Paraqitja e shkëlqyer në të dyja disiplinat e ngjiti sportistin kuqezi mes më të mirëve të Europës edhe në dygarësh, ku siguroi medaljen e argjendtë, duke shtuar një tjetër sukses të rëndësishëm në bilancin e Shqipërisë në këtë kampionat. Ari në shkëputje, argjendi në dygarësh dhe shqiponja në pedanë! Një tjetër dëshmi e forcës së peshëngritjes shqiptare në Europianin që po dhuron emocione dhe spektakël nga dita në ditë në Durrës. Ne.k./ReportTv.al Durres ertjan kofsha peshengritje Komento Komente Sondazhi i ditës: A i mbështesni protestat e dhunshme në vend? Po 19% Jo 77.5% Disi 3.5% Vota total: 6873 Sondazhi i ditës: A i mbështesni protestat e dhunshme në vend?
