Pamje nga vendi i ngjarjes Një person dyshohet se tentoi të vriste me armë zjarri një tjetër brenda një lokali në Elbasan, ndërsa policia e ka identifikuar dhe po punon për kapjen e tij. Një ngjarje e rëndë ka ndodhur mesditën e sotme në Elbasan, ku dyshohet se një person ka tentuar të vrasë me armë zjarri një person brenda ambienteve të një lokali.
Ngjarja ka ndodhur rreth orës 14:50 dhe ka shkaktuar panik tek qytetarët që ndodheshin në lokal në atë moment.
Nga të dhënat paraprake mësohet se personi i dyshuar, i cili mbante një kapele, është afruar pranë personit i cili ndodhej në lokal dhe më pas ka nxjerrë një armë zjarri duke ia drejtuar atij.
Raportohet se autori është një person me precedentë të mëparshëm penalë. Sipas të dhënave paraprake, ai dyshohet se e ka ndjekur nga pas personin e shënjestruar dhe, në një moment, i ka drejtuar armën në kokë.
Reagimi i menjëhershëm i personit të shënjestruar dyshohet se ka penguar realizimin e atentatit. Gjithashtu, paraprakisht raportohet se arma e autorit është bllokuar, duke shmangur pasoja të mundshme fatale. Dinamika e plotë e ngjarjes mbetet ende për t'u sqaruar. Fatmirësisht, nga informacionet e deritanishme nuk raportohet për viktima apo persona të plagosur.
Pas njoftimit për incidentin, forcat e policisë kanë shkuar në vendngjarje dhe kanë nisur veprimet për zbardhjen e rastit. I dyshuari është identifikuar, ndërsa po punohet për lokalizimin dhe kapjen e tij.
Paralelisht, grupi hetimor po mbledh prova dhe po merr në pyetje personat që kanë qenë të pranishëm në lokal, me qëllim përcaktimin e saktë të mënyrës se si ka ndodhur ngjarja.
Ende nuk dihen shkaqet dhe rrethanat e ngjarjes apo identitetet e personave të përfshirë. Një nga pistat që po verifikohet është nëse mes të dyshuarit dhe personit tjetër ka pasur konflikte të mëparshme apo një marrëdhënie që mund të lidhet me ngjarjen.
Pritet që policia të japë detaje zyrtare në vijim, si për dinamikën dhe motivin, ashtu edhe për operacionin për kapjen e personit të dyshuar. Lini një Përgjigje Anuloje përgjigjen Kronike Aksident në Rrugën e Kombit, makina përfn në kanal 15 Gusht 2026, 15:3015:30Kronike Pistoletë, kallashnikov dhe armë gjahu, arrestohen 3 persona në Fier 15 Gusht 2026, 13:2913:29Kronike Kërcënoi grupin e xhirimit të “Ora News”, Sinan Idrizi lihet në arrest shtëpie; iu gjetën armë dhe municion pa leje 15 Gusht 2026, 12:3512:35Kronike Vrau shqiptarin me 9 plumba në Islandë, Angjelin Sterkaj lirohet nga burgu dhe dëbohet drejt Shqipërisë 15 Gusht 2026, 11:5511:55Kronike Sherr në familje në Dibër, djali qëllon me armë zjarri për të mbrojtur nënën nga xhaxhai i tij 15 Gusht 2026, 11:2011:20Kronike Trafikonte armë zjarri nga Kosova për grupet kriminale, arrestohet 34-vjeçari në Durrës; e pëson dhe pasagjerja 15 Gusht 2026, 10:5010:50Kronike