Allison Guerriero, ish-partnerja e Charles McGonigal Emri i Guerrieros është i njohur edhe për Shqipërinë. Ajo ka denoncuar edhe marrëdhënien e ish-partnerit të saj McGonigal me kryeministrin Edi Rama. Allison Guerriero, ish-e dashura e Charles McGonigal, ish-drejtorit të zyrës së kundërzbulimit të FBI-së në Nju Jork, e cila u kishte dhënë autoriteteve amerikane informacione mbi aktivitetet e tij, është gjetur e vdekur në apartamentin e saj në Boynton Beach, Florida.
Sipas “Daily Mail”, Guerriero, 52 vjeç, vdiq mbrëmjen e 27 gushtit. Policia mbërriti në apartamentin e saj rreth orës 20:03 dhe e gjeti të pajetë. Autoritetet po presin informacionin nga zyra e mjekut ligjor për të përcaktuar shkakun e vdekjes.
Një zëdhënës i Policisë së Boynton Beach deklaroi për “Daily Mail” se deri në këtë fazë nuk rezultojnë shenja të një akti kriminal. Hetimet për rrethanat e vdekjes vazhdojnë.
Guerriero është emër i njohur për Shqipërinë, pasi ka denoncuar edhe lidhjet e McGonigal me kryeministrin Edi Rama dhe udhëtimet e ish-zyrtarit të FBI-së në Shqipëri. Ajo ka deklaruar se McGonigal i kishte treguar se do të udhëtonte në Shqipëri për t'u takuar me Ramën dhe kishte folur për marrëdhënien mes tyre.
“Ai po shkonte në Shqipëri për t'u takuar me kryeministrin Edi Rama”, ka deklaruar Guerriero, duke shtuar se McGonigal nuk i kishte treguar qëllimin e saktë të takimit.
Ajo asokohe ka deklaruar gjithashtu se McGonigal dhe Rama kishin një marrëdhënie personale dhe se ish-zyrtari i FBI-së fliste shpesh për kryeministrin shqiptar. Guerriero u kishte folur hetuesve amerikanë edhe për udhëtimet e McGonigal në Shqipëri dhe kontaktet e tij me Ramën.
Këto deklarata morën rëndësi pas publikimit të aktakuzës amerikane ndaj McGonigal, dokument në të cilin përmendej edhe kryeministri Edi Rama në lidhje me takimet që kishte zhvilluar me ish-zyrtarin e FBI-së.
Guerriero vijoi të fliste publikisht kundër McGonigal edhe pas dënimit të tij. Në vitin 2024 deklaroi për “Daily Mail” se ish-zyrtari i FBI-së duhej të kishte marrë një dënim më të rëndë dhe e quajti atë “tradhtar”.
Vetëm disa orë përpara se të gjendej e vdekur, Guerriero kishte publikuar një numër të madh postimesh në platformën X. Bëhej fjalë për rreth 75 postime, disa prej të cilave drejtoheshin kundër FBI-së.
Në një video të publikuar atë ditë, ajo shfaqej duke ecur në Boynton Beach dhe fliste për FBI-në dhe ish-zyrtarë të saj.
“Hej, mirëmëngjes të gjithëve. Miq dhe armiq… sigurisht që jam në mes të gjithë çrregullimit tim post-traumatik të stresit që nga 11 shtatori, por në fakt po marr frymë me lehtësim të madh…”, deklaronte Guerriero.
Më pas ajo rikthehej te çështja McGonigal dhe kërkonte që vëmendja të drejtohej edhe te emra të tjerë brenda strukturave federale.
“Ja ku qëndron problemi me Charles McGonigal. Ti e di emrin e tij, por nuk e dije kurrë më parë. Ti e dije emrin e Jim Comey-t. Ti e dije emrin e Chris Wray-t... të gjithë emrat që i di tashmë, i di. Pse nuk fillon të kërkosh emrat që nuk i di?”, shprehej ajo.
Në një tjetër postim të publikuar po atë ditë, Guerriero shkroi: “E urrej FBI-në”.
Babai i saj, 80-vjeçari Bill Guerriero, deklaroi për “Daily Mail” se familja ende nuk ka marrë një përgjigje për shkakun e vdekjes dhe po pret rezultatet e autopsisë.
“Nuk e dimë ende. Po presim të kemi qasje në raportin e autopsisë. Besoj se do të lëshojnë një certifikatë vdekjeje brenda ditës tjetër, në mënyrë që ta çojmë në shtëpi dhe ta varrosim.
Mund të ketë qenë një aksident. Mund të ketë rrëshqitur. Mund të ketë qenë çdo gjë. Po presim certifikatën e vdekjes që të dimë se çfarë ka ndodhur”, tha babai i saj.
Guerriero kishte kontakte edhe me figura të njohura të politikës amerikane. Ajo ishte mike e ish-kryebashkiakut të Nju Jorkut Rudy Giuliani dhe e afërt me Roger Stone, aleat i presidentit Donald Trump.
Stone deklaroi për “Daily Mail” se kishte komunikuar me Guerrieron me mesazh ditën kur ajo vdiq.
“Kam dëgjuar prej saj me anë të një mesazhi ditën që ndërroi jetë dhe dukej shumë mirë në humor. Ishin çështje pune. Ajo po ndihmonte me disa kërkime”, tha Stone.
Ai deklaroi gjithashtu se Guerriero vazhdonte të ishte e pakënaqur me mënyrën se si autoritetet amerikane e kishin trajtuar penalisht çështjen McGonigal.
“Ajo ishte padyshim ende shumë e pakënaqur me faktin se McGonigal duhej të ishte akuzuar për tradhti, por në vend të kësaj u akuzua vetëm për marrje ryshfeti. Ajo ishte jashtëzakonisht e acaruar”, deklaroi Stone.
Një burim i cituar nga “Daily Mail” pretendoi se Guerriero kishte marrë kërcënime në internet për shkak të qëndrimeve të saj. Babai i saj, megjithatë, tha se vajza nuk i kishte shprehur shqetësime se dikush po përpiqej ta dëmtonte.
Para se të bëhej e njohur për lidhjen me McGonigal dhe informacionet që dha për të, Guerriero kishte punuar si nënkryetare e operacioneve amerikane për kompaninë izraelite të sigurisë Mifram në Nju Jork. Ajo e kishte njohur McGonigal në pranverën e vitit 2017, kur punonte si vullnetare për Federal Enforcement Homeland Security Foundation.
Autoritetet e Boynton Beach nuk kanë bërë publik ende shkakun e vdekjes së Allison Guerriero. Policia ka deklaruar se hetimi vazhdon.charles mcgonigal edi rama Lini një Përgjigje Anuloje përgjigjen Rajoni dhe Bota Trupi i Ratko Mladić mund të mos dërgohet në Serbi, mund të varroset në Hagë 31 Gusht 2026, 20:2820:28Rajoni dhe Bota Tensionet SHBA-Iran në pikë kritike, Trump paralajmëron Teheranin: Do t’i godasim fort! 31 Gusht 2026, 19:2019:20Rajoni dhe Bota Putin flet për fundin e luftës në Ukrainë: Po ecim përpara në këtë rrugë! 31 Gusht 2026, 18:4018:40Rajoni dhe Bota Irani sulmon Netanyahun: Është “gjarpri” që manipuloi SHBA-në për ta futur në luftë kundër nesh 31 Gusht 2026, 18:2818:28Rajoni dhe Bota Nga droga te injeksionet për dobësim, biznesi i ri fitimprurës i kontrabandistëve në Amerikën Latine 31 Gusht 2026, 16:3416:34Rajoni dhe Bota Guvernatori i Bankës së Anglisë paralajmëron: Inteligjenca artificiale mund të tronditë ekonominë globale 31 Gusht 2026, 16:2116:21Rajoni dhe Bota