Këngëtarja e njohur amerikane, Christina Aguilera, ka tërhequr vëmendjen në rrjetet sociale me një fotografi provokuese, të publikuar në prag të festës së Halloween-it.
Në imazhin e publikuar të mërkurën, më 28 tetor, artistja shfaqet e zhveshur në vaskë, ndërsa mbulon gjoksin me emoji në formën e fantazmave. Fotografia është realizuar në një ambient të errët, me një dritare të madhe pas saj dhe flokët që i mbulojnë pjesërisht fytyrën.
“Paraqitjet e fundit para Xtinaween”, shkroi Aguilera në mbishkrimin e fotos, duke iu referuar festimeve të Halloween-it dhe përgatitjeve për kostumin e saj.
Publikimi nuk kaloi pa u vënë re nga ndjekësit, të cilët u bënë pjesë e atmosferës festive të krijuar nga këngëtarja në Instagram.