Kreu i grupit parlamentar të Partisë Demokratike, Gazment Bardhi, foli nga Parlamenti për marrëveshjen e huasë Shqipëri-SHBA për financimin e mbrojtjes, ndërsa kritikoi mënyrën dhe procedurën e ndjekur nga mazhoranca për miratimin e saj. Bardhi pretendoi se opozita nuk është vënë në dijeni të marrëveshjes me vlerë 302 milionë dollarë dhe se dokumenti nuk u është vënë në dispozicion deputetëve, pavarësisht detyrimeve që, sipas tij, burojnë nga Kushtetuta dhe Rregullorja e Kuvendit. “Marrëveshja është e mirëpritur, sepse Shqipërisë i duhen investime të tilla. Reagimi është i vonuar. Kushtetuta për ju është firma e Edi Ramës, për ne është kontrata që kemi lidhur me qytetarët shqiptarë. Folët për marrëveshje historike, keni pasur 14 vite kohë për të plotësuar buxhetin e sigurisë. Më pak se 2% është buxheti i mbrojtjes së Shqipërisë, në shkelje të angazhimit në NATO, ndërkohë që Rama mburret publikisht duke gënjyer. Qeveria po përpiqet të korrigjojë me nxitim dëmin që i shkakton besueshmërisë së Shqipërisë”, tha Bardhi. Balla jep detajet e marrëveshjes 302 milionë dollarë me SHBA-në: Si do të disbursohet financimi për Forcat e Armatosura
