Jipson José Peñafiel Magallanes Prokuroria e Përgjithshme e Ekuadorit e identifikon 30-vjeçarin si një nga koordinatorët operacionalë të një rrjeti transnacional të trafikut të drogës, i lidhur me mafien shqiptare dhe grupin kriminal ekuadorian “Los Lagartos”. Jipson José Peñafiel Magallanes, i cilësuar nga Prokuroria e Ekuadorit si një nga koordinatorët e një rrjeti të trafikut të drogës të lidhur me mafian shqiptare, është arratisur nga Spitali Monte Sinaí në Guayaquil. 30-vjeçari u largua në këmbë nga dera kryesore e spitalit, ndërsa rojtari i burgut që duhej ta mbante nën vëzhgim nuk ndodhej në dhomë në momentin e arratisjes.
Ngjarja ndodhi të dielën, rreth orës 12:55, në zonën Nueva Prosperina, një nga zonat e prekura nga nivele të larta të kriminalitetit në Guayaquil.
Peñafiel ndodhej në spital që prej 1 tetorit, pasi ishte diagnostikuar me një sëmundje cerebrovaskulare. Ai ishte i shtruar nën masa sigurie, por ruajtja e tij nuk ishte në përgjegjësi të Policisë Kombëtare. Detyra i ishte ngarkuar një roje burgu të Shërbimit Kombëtar për Kujdes Gjithëpërfshirës (SNAI).
Sipas raportimeve zyrtare, në momentin kur i burgosuri u largua, roja nuk ndodhej në dhomë dhe nuk dha alarmin përkatës. Mungesa e Peñafiel u konstatua vetëm disa orë më vonë, kur stafi i infermierisë po kryente një raund për shpërndarjen e medikamenteve.
Pas arratisjes, komandanti i Policisë së Zonës 8, Juan Carlos Soria, bëri të ditur se roja përgjegjës është identifikuar dhe po hetohet për të përcaktuar përgjegjësitë e mundshme administrative dhe penale, përfshirë dyshimet për bashkëpunim në arratisje. I lidhur me mafian shqiptare dhe grupin “Los Lagartos”
Peñafiel ishte arrestuar më 12 mars 2026 gjatë operacionit ndërkombëtar “Bremen”, një hetim që zgjati rreth 20 muaj dhe ku bashkëpunuan autoritetet ekuadoriane, agjenci evropiane të sigurisë dhe Policia Mbretërore Kanadeze.
Prokuroria e Përgjithshme e Ekuadorit e identifikon 30-vjeçarin si një nga koordinatorët operacionalë të një rrjeti transnacional të trafikut të drogës, i lidhur me mafien shqiptare dhe grupin kriminal ekuadorian “Los Lagartos”.
Në kuadër të operacionit “Bremen” u kryen 20 kontrolle në provincat Guayas, Manabí, Los Ríos, El Oro dhe Chimborazo. Operacioni çoi në më shumë se 20 arrestime, ndërsa autoritetet sekuestruan pesë automjete luksoze dhe goditën pasuri që dyshohet se ishin pjesë e financave të paligjshme të rrjetit, me një vlerë që kalonte 68 milionë dollarë.
Rrjeti trafikonte kokainë përmes porteve
Sipas hetimeve, organizata kriminale përdorte kompani fasadë që merreshin me eksportin e bananeve dhe transportin e koncentratit të arit. Përmes këtyre strukturave, droga dyshohet se fshihej në kontejnerë që niseshin nga terminalet detare të Guayaquil dhe Posorja.
Hetuesit kanë përcaktuar se dërgesat e kokainës kalonin përmes rrugëve detare ndërkombëtare. Sasia e drogës e lidhur me aktivitetin e rrjetit i kalonte dy tonë, ndërsa ngarkesat ndalonin në Portin e Montrealit në Kanada, përpara se të drejtoheshin drejt Holandës dhe Rusisë.
Pas arratisjes së Peñafiel, Policia Kombëtare e Ekuadorit ka aktivizuar një operacion kërkimi në të gjithë vendin për lokalizimin dhe arrestimin e tij. Autoritetet po monitorojnë gjithashtu informacionet që mund të çojnë në vendndodhjen e tij.
Arratisja ka rikthyer në vëmendje problemet e sigurisë në Spitalin Monte Sinaí. Sipas raportimeve, që nga viti 2024 janë regjistruar të paktën gjashtë arratisje të të burgosurve nga ky institucion.
Një prej rasteve ishte ai i Francisco Bermúdez Cagua, i njohur si “Churrón”, i cili u arratis në maj 2024 dhe u rikap vetëm në korrik 2026. Ndërkohë, autoritetet po hetojnë nëse arratisja e fundit e Peñafiel ishte rezultat i neglizhencës së rojes apo nëse pas saj fshihet një bashkëpunim i qëllimshëm./ Marrë nga "El Comercio".jipson josé peñafiel magallanes koordinator i mafier Lini një Përgjigje Anuloje përgjigjen Kronike Grabitje me thikë në një piceri në Zvicër, shqiptari përleshet me autorin: Kisha frikë mos më vriste vajzën 6 Tetor 2026, 08:2708:27Kronike Zbardhet misteri i vrasjes së shqiptarit në Torino, arrestohen gruaja dhe partneri i saj i ri 6 Tetor 2026, 08:1508:15Kronike Aksident me vdekje në aksin Elbasan-Peqin/ Viktimë një pasagjere, plagosen 3 të tjerë 5 Tetor 2026, 20:0820:08Kronike Arrestimi i Leli Kajës në Elbasan, reagon SPAK: U kap në flagrancë, mori 400 mijë lekë nga një biznes 5 Tetor 2026, 18:2418:24Kronike SPAK dhe BKH zbarkojnë në Elbasan, arrestohet Leli Kaja i “ECO-ELB” 5 Tetor 2026, 18:0218:02Kronike Pas të birit, arrestohet për kanosje bashkëshorti i ish-drejtoreshës së Postës që ‘vodhi’ paratë e pensioneve në Durrës! 5 Tetor 2026, 16:4816:48Kronike