Tottenham ka zyrtarizuar një tjetër lëvizje të rëndësishme në merkato, duke transferuar Savinho nga Manchester City. Sulmuesi brazilian do të jetë pjesë e skuadrës së drejtuar nga Roberto De Zerbi dhe vjen në Londër pas dy sezoneve të kaluara te klubi anglez.
Operacioni financiar arrin në 100 milionë euro, përfshirë bonuset, duke e bërë Savinhon një prej investimeve të rëndësishme të Tottenhamit për sezonin e ri.
Savinho është 22 vjeç dhe luan kryesisht në krah, ndërsa karakterizohet nga shpejtësia dhe aftësia për të luajtur në situata një kundër një. Ai e nisi karrierën te Atletico Mineiro. Debutimin me ekipin e parë e bëri në gusht të vitit 2020, kur ishte vetëm 16 vjeç.
Në sezonin e dytë me Mineiro, Savinho ishte pjesë skuadrës që arriti një tripletë kombëtare. Në total, ai regjistroi 35 paraqitje dhe 2 gola me klubin brazilian, përpara se të largohej drejt Europës.
Hapi i radhës ishte transferimi te Troyes në Francë, ndërsa më pas u huazua te PSV për sezonin 2022/2023. Pas kësaj eksperience, braziliani kaloi në huazim te Girona, një lëvizje që rezultoi vendimtare për karrierën e tij.
Te skuadra spanjolle, Savinho pati një sezon me shifra të rëndësishme individuale dhe ndikoi në një prej edicioneve më të suksesshme në historinë e klubit spanjoll. Në La Liga ai regjistroi 104 driblime, shifër që ishte më shumë se çdo futbollist tjetër në kampionat.
Girona e përfi atë sezon në vendin e tretë në La Liga, pozicionimi më i mirë në historinë e klubit, dhe siguroi për herë të parë kualifikimin në Champions League. Në këtë ecuri, Savinho ishte një prej lojtarëve kryesorë të skuadrës dhe e mbylli periudhën e huazimit me 41 paraqitje dhe 11 gola. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.