Një zjarr ka rënë mbrëmjen e së shtunës në fshatin Veterik, në Bashkinë Berat. Zjarri ka filluar në një magazinë të mbushur me materiale bujqësore dhe më pas u përhap me shpejtësi në të gjithë magazinën dhe banesën dykatëshe, që ishte ngjitur. Në momentin e mbërritjes së zjarrfikësve, zjarri kishte hyrë në katin e parë të banesës në pronësi të shtetasit Sokrat Delibashi. Falë ndërhyrjes në kohë të shërbimeve zjarrfikëse, zjarri është lokalizuar në kohë dhe është fikur, duke u shpëtuar banesa. Si pasojë e zjarrit, magazina me prodhime bujqësore është shkrumbuar totalisht. Burimet zjarrfikëse dhe policia në vendngjarje po punojnë për zbardhjen e rrethanave të zjarrit. Top Channel
