Dy persona të shpallur në kërkim për vrasjen e 66-vjeçarit Rexhep Ismailit më 7 maj 2026, në fshatin Gjashtë të Sarandës janë arrestuar në Greqi. 37-vjeçari Lulzim Tabaku i dyshuar si autor i vrasjes me pistoletë, akuzohet për vrasje me dashje, mbajtje pa leje dhe prodhim armësh e municionesh, si dhe kanosje kryer në bashkëpunim. Ndërsa 40-vjeçari Idriz Çelo akuzohet për moskallëzim krimi, kanosje dhe shkatërrim prone. Të dy janë ndaluar me qëllim ekstradimin në Shqipëri, ndërsa vijojnë kërkimet për personat e tjerë të përfshirë në ngjarje. LEXO EDHE:Vjedhje në një biznes në Vlorë, dy hajdutët hyjnë dy herë brenda natës dhe marrin 180 mijë lekë të vjetra dhe sende me vlerë (VIDEO) Ngjarja e rëndë ndodhi më 7 maj 2026, në lokalin e karburantit “Vëllezërit Ismaili” në fshatin Gjashtë të Sarandës, ku mbeti i vrarë me armë zjarri pronari i biznesit, Rexhep Ismaili, 66 vjeç. Sipas hetimeve gjithçka nisi pas një konflikti mes disa personave, fillimisht me sende të forta, e më pas me përdorimin e armëve të zjarrit. Pas vrasjes personat e përfshirë u larguan nga vendngjarja, ndërsa policia nisi hetimet për zbardhjen e plotë të rrethanave dhe identifikimin e të gjithë personave të përfshirë. Rexhep Ismaili ishte kryetari i degës së Shoqatës "Çamëria" në Sarandë. Njoftimi i policisë: Policia e Shtetit/Finalizohet si rezultat i bashkëpunimit të ngushtë me homologët grekë, një tjetër fazë e operacionit të koduar “The Wanted”. Kapet në Greqi autori i dyshuar i vrasjes së shtetasit R. I., kryer më datë 07.05.2026, në ambientet e lokalit të viktimës, në fshatin Gjashtë, Sarandë. Kapet në Greqi edhe një shtetas i përfshirë në konfliktin me sende të forta që parapriu vrasjen e 66-vjeçarit. I ndaluari përdorte identitet të rremë, për qendrim në ishullin e Korfuzit. Si rezultat i koordinimit informativ dhe operacional, ndërmjet homologëve të Drejtorisë së Interpolit dhe Interpol Athinës, gjatë kësaj faze të operacionit të koduar “The Wanted”, u arrestuan provizorisht, në Greqi, me qëllim ekstradimin në Shqipëri, shtetasit në kërkim: -L. T., 37 vjeç, për të cilin Gjykata e Sarandës ka caktuar masën e sigurisë “Arrest në burg", për veprat penale "Vrasja me dashje", "Mbajtja pa leje dhe prodhimi i armëve, armëve shpërthyese dhe i municionit" dhe "Kanosja", kryer në bashkëpunim; -I. Ç., 40 vjeç, për të cilin Gjykata e Sarandës ka caktuar masën e sigurisë “Arrest në burg", për veprat penale "Moskallëzimi i krimit", "Kanosja" dhe "Shkatërrimi i pronës". Nga hetimet dyshohet se më datë 07.05.2026, 37-vjeçari ka vrarë me armë zjarri (pistoletë), shtetasin R. I., 66 vjeç, në ambientet e lokalit të këtij të fundit, pas një konflikti me sende të forta, ndërmjet disa shtetasve, ndër ta, 40-vjeçari i kapur në Korfuz. Punohet intensivisht për lokalizimin dhe kapjen e shtetasve të tjerë të shpallur në kërkim në lidhje me këtë rast. Ndërkaq, në bashkëpunim me homologët grekë, Interpol Tirana po punon për finalizimin e procedurave për ekstradimin në Shqipëri, të 2 të ndaluarve. -------------------------------Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë A.C Shqiptarja.com TAG: vrasja e rexhep ismailit Vlore Lulzim Tabaku Idriz Çelo sarande Sa e vlerësoni këtë artikull? ★ ★ ★ ★ ★ 5.0 / 5 (1 vlerësim) Faleminderit! LAJMET MË TË VLERËSUARA Komente Komento Sondazhi i ditës:
26 Tetor, 10:21
Ndëshkim financiar e penal dhunuesve në protesta, jeni dakord me masat? Po 74.3% Jo 22.6% Nuk e di 3.1% Vota total: 3449 Votat totale janë unike Sondazhi i ditës: 26 Tetor, 10:21 Ndëshkim financiar e penal dhunuesve në protesta, jeni dakord me masat?