Ish-i dashuri i shqiptares Aurorës Tila ka pranuar se ishte ai që e vrau 13-vjeçaren, duke e hedhur nga ballkoni i banesës më 25 tetor 2024, ngjarje e ndodhur në Itali. Sipas mediave italiane, 17-vjeçari, i cili ishte 15 vjeç në kohën e krimit të dyshuar, të hënën ndryshoi pretendimet e tij për pafajësi në vdekjen e të dashurës së tij 13-vjeçare, e cila ra nga një ndërtesë në Piacenza në tetor 2024 dhe rrëfeu se e shtyu atë nga ballkoni. LEXO edhe...Kaos në portin e Barit, pasagjerët 7 orë në pritje për t’u nisur drejt Durrësit: Personel i pakët te pikat e kontrollit 17-vjeçari e ndryshoi dëshminë e tij gjatë seancës gjyqësore në Apel, pasi u dënua me 17 vjet burg në një gjyq të shkallës së parë vitin e kaluar. I riu ka bërë deklaratat përmes një lidhjeje me video nga burgu i të miturve në Catanzaro. Gjykata ka kërkuar ndërkohë një raport mbi sjelljen e tij në institucionin e vuajtjes së dënimit, pasi ndaj tij raportohet se janë bërë edhe denoncime për vepra të tjera. Djali, emri i të cilit nuk është bërë i ditur sepse është i mitur, pranoi vrasjen e shqiptares Aurora Tila duke e hedhur nga një ballkon në qytetin verior italian më 25 tetor 2024. Ai ndryshoi historinë e tij dhe gjithashtu kërkoi falje për veprimin e tij dhe për pritjen kaq të gjatë për ta pranuar atë. “Me rrëfimin, një rreth mbyllet. Por shpresojmë që Gjykata do të mbështesë vendimin e shkallës së parë, i cili vendosi një dënim të përshtatshëm”, tha avokati Emilio Malaspina, duke përfaqësuar nënën e vajzës që ishte viktimë e femicidit. Gjyqi është shtyrë deri më 10 shtator. R.Xh/ReportTv.al vrasje itali aurora tila Komento Komente Sondazhi i ditës: Gafa e sulmeve ndaj bizneseve e ka dëmtuar frymën e protestës? Po! 77.6% Jo! 19.2% Disi! 3.2% Vota total: 4984 Sondazhi i ditës: Gafa e sulmeve ndaj bizneseve e ka dëmtuar frymën e protestës?
