Në muzeun e Kalasë në Gjirokastër janë ekspozuar relike të cilat i përkasin jetës dhe aktivitetit patriotik të atdhetarit Çerçiz Topullit. Pjesë të tyre janë veshje të këtij atdhetari si dhe modele të armëve që ai ka përdorur gjatë betejave për lirinë dhe Pavarësinë e Shqipërisë. Ekspozimi i relikeve të Çerçiz Topullit u realizua në 90-vjetorin e kthimit të eshtrave të tij në vendlindje, ndërsa në 15 Shtator 1936 eshtrat e tij u sollën nga Shkodra për t’u prehur në Gjirokastër. LEXO EDHE:U përfshi në konfliktin e përgjakshëm, Alket Rizai i zhdukur prej 4 ditësh! Autoritetet greke në ndjekje të tij: Dyshojmë se mund të jetë fshehur në Shqipëri! “Këtë shtatore e sjellim në muzeun e qytetit me kostumin e tij të lirisë. Ne 15 shtator 1936, eshtrat e heroit kombëtar përcillen nga qyteti i Shkodrës drejt Gjirokastrës, për t’u prehur në qytetin e tij të lindjes. Këtu kemi edhe modelin e armëve që përdorte heroi kombëtar. Është pushka, jatagani, dylbitë. Është një veshje që ruan origjinalitetin e asaj periudhe”, tha mes të tjerash ciceronja Alida Mati. Çerçiz Topulli drejtoi një prej çetave patriotike të rëndësishme në jug të vendit e cila përmendet në histori për betejën e Mashkullorës, në 18 Mars 1908. Në kujtim të tij në qendër të zonës historike të Gjirokastrës ngrihet një monument, ndërsa sheshi mban emrin “Çerçiz Topulli”. R.Xh/E.H/Shqiptarja.com TAG: arme zjarri veshje Cerciz Topulli muze Gjirokaster Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:
16 Shtator, 14:18
Haga dënon me 81 vite burg 4 ish-krerët e UÇK-së, si e vlerësoni? Të drejtë 5.9% Të gabuar 89.3% Nuk e di 4.8% Vota total: 3676 Votat totale janë unike Sondazhi i ditës: 16 Shtator, 14:18 Haga dënon me 81 vite burg 4 ish-krerët e UÇK-së, si e vlerësoni?