Dënohet me 25 vite burg Hashim Thaçi Konstatimet e bëra nga trupi gjykues lidhen me vërtetimin e veprave penale të pretenduara në aktakuzë. Ato duhen dalluar nga përcaktimi i përgjegjësisë penale individuale të secilit të akuzuar, i cili vlerësohet nga gjykata në bazë të provave dhe akuzave përkatëse... Ish-presidenti i Kosovës, Hashim Thaçi, është shpallur fajtor dhe është dënuar me 25 vite burgim nga Dhomat e Specializuara të Kosovës në Hagë, e njohur ndryshe si Gjykata Speciale.
"Hashim Thaçi, në emër të popullit të Kosovës, ju shpall fajtor për arrestimin dhe ndalimin e paligjshëm, si dhe trajtimin mizor të 385 personave, torturën si krim lufte ndaj 303 personave dhe vrasjen e paligjshme. Ju shpall të pafajshëm për një numër incidentesh që nuk u provuan. Ju shpall të pafajshëm për krime kundër njerëzimit", tha Gjykata.
Trupi gjykues e ka shpallur Thaçin fajtor për katër pika dhe ka përcaktuar dënimin për secilën prej tyre.
Për pikën 3, arrestim dhe ndalim arbitrar ndaj 385 personave, gjykata ka shqiptuar 15 vite burg.
Për pikën 5, trajtim mizor ndaj së paku 49 personave, trupi gjykues ka caktuar 4 vite burg.
Për pikën 7, torturë ndaj së paku 303 personave, Thaçi është dënuar me 20 vite burg.
Dënimi më i rëndë i veçantë është dhënë për pikën 9, vrasje e paligjshme ndaj së paku 96 personave, për të cilën trupi gjykues ka shqiptuar 23 vite burg.
Gjykata nuk i ka mbledhur mekanikisht këto dënime. Trupi gjykues ka vendosur një dënim të njësuar prej 25 vitesh burg, duke urdhëruar që në të të llogaritet edhe periudha që Thaçi ka kaluar në paraburgim.
Gjatë seancës, trupi gjykues konstatoi se, ndërmjet prillit të vitit 1998 dhe qershorit të vitit 1999, në 12 komuna të Kosovës dhe në një rreth në Shqipëri, pjesëtarë të Ushtrisë Çlirimtare të Kosovës (UÇK) kryen veprime që çuan në vrasjen e 96 personave që nuk merrnin pjesë aktive në luftime.
Konstatimet u paraqitën nga kreu i trupit gjykues, gjykatësi Charles Smith, gjatë trajtimit të akuzës për vrasje të paligjshme si krim lufte.
Smith deklaroi gjithashtu se Zyra e Prokurorit të Specializuar (ZPS) ka vërtetuar përtej dyshimit të arsyeshëm se ndaj disa personave të ndaluar nga anëtarë të UÇK-së është ushtruar trajtim mizor dhe torturë.
“ZPS vërtetoi se është kryer trajtim mizor dhe torturë”, tha Smith gjatë paraqitjes së konstatimeve të trupit gjykues.
Sipas tij, provat e paraqitura kanë vërtetuar se trajtimi mizor është kryer ndaj të paktën 49 personave.
Konstatimet e bëra nga trupi gjykues lidhen me vërtetimin e veprave penale të pretenduara në aktakuzë. Ato duhen dalluar nga përcaktimi i përgjegjësisë penale individuale të secilit të akuzuar, i cili vlerësohet nga gjykata në bazë të provave dhe akuzave përkatëse.
Thaçi është shpallur fajtor për akuzat për të cilat trupi gjykues ka konstatuar përgjegjësi penale.
Në këtë proces, Thaçi përballej me akuza për krime lufte dhe krime kundër njerëzimit, përfshirë: përndjekje, burgosje, veprime ç’njerëzore, torturë, vrasje të paligjshme dhe zhdukje me forcë
Vendimi i shpallur sot është aktgjykim i shkallës së parë dhe ndaj tij mund të ushtrohen mjetet juridike të parapara me ligj. hashim thaçi dënohet me 25 vite burg Lini një Përgjigje Anuloje përgjigjen Kosova Gjykata e Hagës: Kadri Veseli mori pjesë e inkurajoi kryerjen e krimeve 16 Shtator 2026, 11:3111:31Kosova Aktgjykimi në Hagë/ Gjykata: Thaçi, Veseli, Selimi dhe Krasniqi vepruan së bashku për një qëllim të përbashkët kriminal 16 Shtator 2026, 11:2811:28Kosova Aktgjykimi në Hagë, gjykatësi Smith: Selimi inkurajoi dhe mori pjesë në kryerjen e krimeve, nuk ndërhyri për t’i parandaluar 16 Shtator 2026, 11:2811:28Kosova Haga trondit ish-krerët e UÇK-së, Smith: Thaçi inkurajoi kryerjen e krimeve, drejtoi arrestimin e 13 parlamentarëve 16 Shtator 2026, 11:2311:23Kosova Gjykata Speciale: Hashim Thaçi mori pjesë në krime, dha kontribut në qëllimin kriminal të UÇK 16 Shtator 2026, 11:1911:19Kosova Gjykimi ndaj Thaçit/ Trupi gjykues: 96 persona u vranë, trajtim mizor ndaj të paktën 49 të ndaluarve 16 Shtator 2026, 11:1111:11Kosova