Teksa në Komisionin e Ligjeve diskutohej propozimi i socialistëve për ndarjen e re territoriale, banorët protestuan jashtë kryesisë së Kuvendit duke kundërshtuar draftin që prek drejtpërdrejtë mijëra banorë të 15 bashkive që pritet të shkrihen. Banorët e Memaliajt dhe të Fushë-Arrëzit ishin të parët që protestën e tyre kundër kësaj ndarje e zhvendosën në kryeqytet me shpresën se zëri i tyre do të dëgjohej. LEXO edhe...Përplasja me protestuesit të Kryesia e Kuvendit, Blushi: Nuk ndërhyra për të mbrojtur Braçen, ai s'ka bërë asgjë për të ndaluar vjedhjet e Qeverisë Në protestë nuk munguan kryebashkiakët aktualë të të dyja bashkive, të dy të zgjedhur nga radhët e PD, Albert Malaj i Memaliajt dhe Hil Curri i Fushë-Arrëzit. Ata kërkojnë të qëndrojnë bashki më vete e të mos bashkohen përkatësisht me Tepelenën dhe Pukën me argumentin se shërbimet do të largohen prej tyre. Protesta e këtij grupi banorësh nuk kaloi vetëm mes thirrjesh dhe bilbilfryrësve. Në momentin që evidentuan deputetin socialist Erion Braçe të hynte në ambientet e kuvendit, situata u tensionua. Ndaj Braçes u hodh ujë, moment që tensionoi edhe më shumë situatën, ndërsa përplasja arriti gati deri në konfrontim fizik. U desh ndërhyrja e deputetit demokrat Tritan Shehu dhe disa efektivëve të policisë në mënyrë që të qetësonin situatën me protestuesit e irrituar. Share Share Ora 18:25 Përplasja me protestuesit të Kryesia e Kuvendit, Blushi: Nuk ndërhyra për të mbrojtur Braçen, ai s'ka bërë asgjë për të ndaluar vjedhjet e Qeverisë Banorë të Memaliajt dhe Fushë-Arrëzit protestuan sot para Kryesisë së Kuvendit kundër propozimit të PS për ndarjen territoriale, ku u përplasën edhe me deputetin socialist Erjon Braçe.Sekretari i Përgjithshëm i Partisë së Lirisë, Tedi Blushi, është shprehur se ka qenë prezent gjatë përplasjes, teksa shtoi se ka qenë Braçe ai që provokoi protestuesit.Pavarësisht se theksoi se është kundër dhunës, në një postim në rrjetet sociale Blushi shkroi se nuk ndërhyri qëllimisht për të qetësuar situatën dhe për të mbrojtur Braçen nga protestuesit e revoltuar.Kjo pasi sipas tij, Braçe nuk ka bërë asgjë për të ndalur abuzimin sipas tij, të qeverisë së kryeministrit Edi Rama. Ai shtoi se Braçe si deputet duhet ta kërkojë përgjegjësinë te vetja dhe pastaj te të tjerët.Reagimi i Blushit:Pse vendosa të mos ndërhyj për të mbrojtur Erjon Braçen?Unë isha i pranishëm në përplasjen e provokuar nga Erjon Braçe me protestuesit para Kryesisë së Kuvendit.Çdo deputet duhet të mbajë përsipër koston e vendimeve, qëndrimeve dhe votave të tij.Për të qenë i sinqertë, nuk tentova të ndërhyja për ta ndalur përshkallëzimin e situatës.Jo sepse jam dakord me dhunën. Përkundrazi, nuk jam dhe nuk do të jem kurrë pro dhunës, ndaj kujtdo.Por sepse në atë moment mendova: A e ka kapur ndonjëherë ky deputet Edi Ramën për krahu për t’i thënë: “Boll! Boll me vjedhjen! Boll me krimin! Boll me dhunën ndaj shqiptarëve! Boll me ligje që plaçkisin Shqipërinë! Boll me vendime shpopulluan vendin!"A ka bërë ndonjëherë diçka konkrete Erjon Braçe për të ndalur kapjen e shtetit nga mafia, makinerinë kriminale të padrejtësisë, abuzimit dhe dhunës? Jo!Pavarësisht ndonjë retorike dhe kritikave boshe, në momentet kur duhej të mbante një qëndrim të qartë dhe të vendosur, Erjon Braçe ka zgjedhur të qëndrojë në krah të Edi Ramës dhe të votojë pro tij.Prandaj isha dhe jam me protestuesit dhe çdo shqiptar të revoltuar.Sepse çdo deputet duhet të kuptojë se nuk mund të kërkojë përgjegjësi vetëm nga të tjerët. Përgjegjësia fillon edhe nga vetja. Nga qëndrimet që mban, nga vendimet që merr dhe nga votat që hedh.Unë nuk justifikoj dhunën. As sot, as nesër, ndaj askujt.Por besoj fort në parimin se në një demokraci, secili duhet të përgjigjet për atë që ka bërë dhe për atë që ka zgjedhur të mos bëjë.Dhe në fund, aman, secili do të përgjigjet një ditë para shqiptarëve. Share Ora 13:13 Kryebashkiaku i Memaliajt dhe i Fushë-Arrëzit përkrah banorëve para Kuvendit, kundërshtojnë 'Territorialen' (VIDEO) Kryebashkiaku i Memaliajt, Albert Malaj, mbështeti banorët në protestën para Kuvendit për të shprehur kundërshtimin për ndarjen e re territoriale që propozon PS.Memaliaj është kundër shkrirjes me Tepelenën. I pranishëm në protestë ishte edhe kryebashkiaku i Fushë-Arrëzit, Hil Curri. Fushë-Arrëzi kundërshton bashkimin me Pukën. Share P.J/R.Xh/ReportTv.al reforma territoriale proteste kuvend Erion Braçe TRITAN SHEHU Komento Komente Sondazhi i ditës: Kufizim për arrestin në burg, a jeni dakord me ndryshimet e propozuara në Kodin e Procedurës Penale? Po 69.8% Jo 25.1% Jam i/e dyzyuar 5.1% Vota total: 3014 Sondazhi i ditës: Kufizim për arrestin në burg, a jeni dakord me ndryshimet e propozuara në Kodin e Procedurës Penale?
