Një qytetar i është drejtuar redaksisë së JOQ Albania për të denoncuar një manovër të rrezikshme të një drejtuesi taksie në aksin Shkodër-Lezhë, në vendin e quajtur Plezhë.
Në pamjet e dërguara në redaksi duket taksia e kompanisë Pro Taxi, me targë AK409T, teksa kryen një parakalim duke kaluar në korsinë e sensit të kundërt të lëvizjes, pavarësisht vijës së pandërprerë në rrugë.
Manovra është kryer në një segment mbi urë, ku rruga ka nga një korsi për secilin sens lëvizjeje, duke e detyruar drejtuesin e taksisë të futet në korsinë ku lëviznin automjetet që vinin përballë.
Për më tepër, sipas denoncuesit, në taksi ndodheshin edhe pasagjerë në momentin e manovrës.
Qytetari kërkon që rasti të verifikohet nga autoritetet dhe të merren masat përkatëse ndaj drejtuesit, pasi një manovër e tillë mund të rrezikojë jo vetëm pasagjerët e mjetit, por edhe drejtuesit e automjeteve që qarkullojnë në sensin e kundërt.
“Kur vijnë në Shkodër i thyejnë rregullat, bën parakalim mbi urë në aksin Shkodër-Lezhë, në vendin e quajtur Plezhë. Ju lutem publikoje edhe shteti të marrë masa, ta gjobitë e t’i heqë patentën, se ai merr në qafë pasagjerët se ishte me njerëz”, shkruan denoncuesi. View this post on Instagram A post shared by JOQ Albania (@joqalbania)