Në Milanello është zhvilluar një takim i rëndësishëm për projektin e ri të Milanit, me pronarin e klubit, Gerry Cardinale, që ka pasur biseda me disa prej lojtarëve kryesorë të skuadrës. Në qendër të diskutimeve ka qenë e ardhmja e grupit dhe orientimi i klubit nën drejtimin e trajnerit Ruben Amorim. Nga këto kontakte kanë ardhur dy konfirmime të rëndësishme. Adrien Rabiot dhe Mike Maignan do të vazhdojnë të jenë pjesë e Milanit.
Për të dy lojtarët nuk parashikohet një largim në këtë fazë të merkatos. Rabiot dhe Maignan konsiderohen pjesë e projektit të ri dhe pritet të kenë rol të rëndësishëm në skuadrën e Amorimit. Në rastin e portierit francez, konfirmimi është shoqëruar edhe me një tjetër vendim. Maignan do të vazhdojë si kapiten i Milanit.
Cardinale ka pasur kontakte edhe me lojtarë të tjerë të rëndësishëm të grupit. Luka Modric, Matteo Gabbia dhe Strahinja Pavlovic kanë shfaqur gatishmëri për sezonin e ri dhe, sipas zhvillimeve të fundit, mesazhi i pronarit për projektin e klubit ka marrë përgjigje pozitive nga dhoma e zhveshjes. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.