Një sulm me dron rus shkaktoi një zjarr të madh dhe një seri shpërthimesh të premten në një depo që përmbante eksplozivë në rajonin e Kievit. Si pasojë, autoritetet ukrainase urdhëruan evakuimin e më shumë se 200 banorëve të zonës, mes tyre edhe fëmijë. Zyra e Prokurorit të Përgjithshëm të Ukrainës ka nisur një hetim për dyshime mbi “neglizhencë” në lidhje me kushtet e magazinimit të eksplozivëve. Sulmi ndodhi pak pas orës 20:00, me orën lokale, në fshatin Muyla, në rrethin Buchansky. Russia strikes Kyiv with ballistic missiles and drones — explosions heard across the capital
Debris from intercepted drone fell in the courtyard of a residential building — damage being assessed pic.twitter.com/HPl5mWQk0p
— freeledger (@thefreeledger) August 29, 2026 Sipas autoriteteve ukrainase, në të njëjtën kohë Kievi u përball me një valë sulmesh me raketa balistike dhe dronë, ndërsa shpërthime u dëgjuan në disa pjesë të kryeqytetit. Mbetjet e një droni të interceptuar ranë në oborrin e një ndërtese banimi, ndërsa autoritetet nisën vlerësimin e dëmeve. Komandanti i distriktit ushtarak të Kievit, Timur Tkachenko, njoftoi se në zonën e depos kishte shpërthyer një zjarr dhe ishin dëgjuar disa shpërthime.
“More se 200 persona, përfshirë fëmijë, janë evakuuar tashmë nga zona”, deklaroi Tkachenko pak pas orës 01:00 përmes Telegramit, duke konfirmuar gjithashtu se kishte persona të lënduar.
Zyra e Prokurorit të Përgjithshëm bëri të ditur se hetimi do të përqendrohet te “ligjshmëria” e magazinimit të eksplozivëve në këtë zonë, si dhe te verifikimi nëse kompania që administronte depon kishte siguruar të gjitha lejet e nevojshme.
Kryeministri Serhiy Koretsky kritikoi autoritetet dhe kompaninë përgjegjëse për atë që e cilësoi si dështim për të nxjerrë “mësime” nga një incident i mëparshëm vdekjeprurës në korrik, në komunitetin Vishnevoe, pranë Kievit. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb