Moti i keq në vend ka shkaktuar disa problematika në pjesën jugore të vendit.
Në vetëm pak minuta stuhia e fuqishme ka shkaktuar probleme në disa zona të Sarandës.
Si pasojë e stuhisë janë rrëzuar disa pemë, duke bllokuar rrugë dhe duke krijuar vështirësi në qarkullim.
Probleme janë raportuar edhe në bizneset përgjatë shëtitores, ku era e fortë ka shkaktuar dëme.
Një nga incidentet më serioze është shënuar në rrugën përballë stadiumit, ku një pishë është rrëzuar dhe ka dëmtuar tre automjete.
Sipas informacioneve nga urgjenca e qytetit, tre persona kanë marrë ndihmë mjekësore në spital, pasi janë plagosur nga thyerja e xhamave si pasojë e stuhisë./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.