Qeveria spanjolle ka ndëmarrë një iniciativë për zhvendosjen e mijëra emigrantëve që prej javësh jetojnë në plazhet e Ceutas, drejt një vendstrehimi të ngritur pranë portit, por procesi u shoqërua me skena kaotike, pasi një numër i madh i emigrantëve vrapuan për të zënë sa më parë një vend në strehimore. Sipas BBC, oficerët e Policisë u përpoqën të ndalonin turmat e njerëzve që nxitonin për të siguruar një vend në strehë, pas disa javësh jetese në plazhe. Gjatë operacioneve të policisë u dëgjuan edhe të shtëna me armë zjarri, me raportimet se ‘Blutë’ qëlluan në ajër. LEXO edhe...Gjermania do të përdorë inteligjencën artificiale për të zbuluar mashtrimet e emigrantëve me ndihmat sociale Disa qindra emigrantë kanë arritur tashmë në kamp, i cili ka një kapacitet për 1,700 persona. Shumica e 72,000 migrantë që kaluan kufirin nga Maroku në korrik, janë kthyer pas. Autoritetet e Ceutës kanë vlerësuar se 13,000 persona mbeten në enklavë, por qeveria spanjolle ka thënë se kjo shifër është më e ulët. Operacioni filloi rreth orës 07:00 sipas orës lokale të premten, me më shumë se 3,000 migrantë që u transferuan, sipas agjencisë së lajmeve Efe, në pronësi të qeverisë spanjolle. Gjatë këtij procesi, disa migrantë thyen kordonin përgjatë rrugës prej 2 km (1.2 milje) për në port. Videoja tregon të rinj që vrapojnë në errësirë ndërsa policia përpiqej të mbante kontrollin. Më shumë se 170 oficerë policie janë vendosur në vend, përfshirë teknikë të dronëve, raportoi Efe. Ajo shtoi se situata më vonë u “vu nën kontroll shpejt” dhe operacioni ishte në gjendje të vazhdonte. Operacioni është pjesë e përpjekjes së qeverisë për t'i përqendruar migrantët në mjedise ku ata mund të identifikohen dhe të kujdesen për ta, ndërsa statusi i tyre administrativ përcaktohet individualisht. Skenat kaotike shtojnë kritikat e opozitës në Spanjë ndaj kryeministrit Pedro Sánchez, i cili është përballur me kritika të forta për menaxhimin e krizës. Që nga fluksi i emigrantëve, banorët e territorit prej 18.5 km katrorë (7.2 milje katrorë) kanë shprehur shqetësime për sigurinë. Disa prej tyre kanë shkatërruar strehimoret dhe kanë bllokuar ndihmën që u ofrohet emigrantëve. Kryebashkiaku i Ceutës, Juan Jesus Vivas, u tha ligjvënësve në Parlamentin Europian në fillim të këtij muaji se emigrantët e kishin shndërruar Ceutën në një "tenxhere me presion". Fluksi i emigrantëve në fund të korrikut erdhi pasi Gjykata Supreme e Spanjës vendosi që emigrantët e ndaluar në det ndërsa përpiqeshin të arrinin në Ceuta nuk mund të kthehen menjëherë në Marok. Pas vendimit, disa llogari në mediat sociale përhapën dezinformata dhe ofruan ndihmë për migrantët për të kaluar kufirin spanjoll për qindra paund. Mijëra njerëz më pas përshkuan gardhin kufitar dhe notuan përreth barrierave oqeanike. Të paktën 100 persona vdiqën gjatë kalimit, sipas autoriteteve lokale. R.Xh/ReportTv.al spanje Ceuta Pedro Sánchez emigrante maroku Komento Komente Sondazhi i ditës: Haga dënon me 81 vite burg 4 ish-krerët e UÇK-së, si e vlerësoni? Të drejtë 5.8% Të gabuar 89.5% Nuk e di 4.8% Vota total: 3576 Sondazhi i ditës: Haga dënon me 81 vite burg 4 ish-krerët e UÇK-së, si e vlerësoni?
