Një hark kolosal detar që prej kohësh kishte qenë një pikë referimi e rëndësishme në vijën bregdetare të thyer të Hawaiit është shembur në Oqeanin Paqësor, më shumë se 500 vjet pasi u formua natyrshëm, konfirmoi shërbimi lokal i parkut. Harku i Detit Hōlei ndodhej në një lartësi prej afërsisht 27 metrash në Parkun Kombëtar të Vullkaneve të Havait, në bregdetin jugor të Ishullit të Madh — ishulli më i madh dhe më i ri i zinxhirit Havaian.Lexo edhe:Île de Ré, ishulli francez i shijes: Kripa, vera dhe gatimet që tërheqin turistët Harku u formua rreth 550 vjet më parë kur rrjedha e lavës nga shpërthimi i njërit prej gjashtë vullkaneve të ishullit, goditi skajet e shkëmbinjve dhe gdhendi kupolën, duke krijuar një mrekulli natyrore që tërhoqi vizitorë në vend për shumë vite, sipas Shërbimit Kombëtar të Parkut të Shteteve të Bashkuara (NPS). Koha e saktë e shembjes është e panjohur, pasi ekipi i Parkut Kombëtar të Vullkaneve tha në mediat sociale të enjten se harku ishte ende në këmbë të mërkurën, më 23 shtator, kur parku u mbyll përkohësisht gjatë stuhisë tropikale Nolo./ CNN/
