Shërbimet zjarrfikëse të Kukësit dhe Prizrenit po punojnë për zbatimin e një projekti të përbashkët ndërkufitar, i cili synon të parandalojë përhapjen e zjarreve në brezin e gjelbër përgjatë kufirit Kosovë–Shqipëri. Komandanti i Njësisë Profesionale të Zjarrfikësve dhe Shpëtimit në Prizren, Flamur Hoti, bën të ditur se projekti parashikon vënien në funksion të 5.4 kilometrave të brezit ndarës të gjelbër, ose ish-klonit kufitar. Në kuadër të tij do të pastrohet bimësia e thatë në një gjerësi prej rreth 6 metrash, duke krijuar një brez mbrojtës që do të pengojë përhapjen e flakëve nga njëri shtet në tjetrin. LEXO edhe...‘BE të dënojë fashizmin e ministres serbe’, Konjufca letër Kallas-it: Të mos trajtohet thjesht si gafë Hoti thekson se ky projekt është rezultat i bashkëpunimit të vazhdueshëm mes shërbimeve zjarrfikëse të Prizrenit dhe Kukësit, të cilat, përveç takimeve koordinuese, kanë bashkëpunuar edhe në ndërhyrjet për shuarjen e zjarreve në zonën e gjelbër kufitare. Sipas tij, gjatë vitit të kaluar zjarrfikësit e Prizrenit morën pjesë në shuarjen e tre vatrave të zjarrit në brezin kufitar, ndërsa deri më tani këtë vit nuk është regjistruar asnjë rast i tillë. Ky bashkëpunim mbështetet edhe nga marrëveshjet mes Agjencisë së Menaxhimit të Emergjencave të Kosovës dhe Agjencisë Kombëtare të Mbrojtjes Civile të Shqipërisë, të cilat prej vitesh bashkërendojnë veprimet në fushën e menaxhimit të emergjencave dhe mbrojtjes nga zjarret. SI.E./ReportTv.al Kukes kosove zjarret 2026 zjarret ne vend Komento Komente Sondazhi i ditës: Si e vlerësoni vendimin e PD për të bojkotuar seancat plenare? Të drejtë 10.7% Të gabuar 85.4% Nuk e di 3.9% Vota total: 6304 Sondazhi i ditës: Si e vlerësoni vendimin e PD për të bojkotuar seancat plenare?
