Një shpërthim me lëndë plasëse është regjistruar në orët e para të mëngjesit në Ishull-Lezhë. Ngjarja ka ndodhur rreth orës 03:50, në portën e jashtme të rrethimit të banesës së një shtetasi me inicialet S. Q., ku ka shpërthyer një sasi lënde plasëse.
Si pasojë e shpërthimit janë shkaktuar dëme të vogla materiale, ndërsa fatmirësisht nuk raportohet për persona të lënduar. Forcat e Policisë kanë mbërritur në vendngjarje pas njoftimit dhe kanë nisur hetimet për zbardhjen e rrethanave.
Grupi hetimor po vijon veprimet për dokumentimin e plotë të ngjarjes, ndërsa po punohet për identifikimin dhe kapjen e autorit ose autorëve të dyshuar.