Një 46-vjeçar vdiq dhe 15 alpinistë trezultojnë të zhdukur pas përmbytjeve që përfshinë pjesë të Kanionit të Madh në Arizona, SHBA. Trupi i viktimës u gjet pranë Crystal Rapids, përgjatë lumit Colorado. Sipas Shërbimit të Parqeve Kombëtare të SHBA-së (NPS), përmbytjet u regjistruan rreth orës 14:30 me kohën lokale të shtunën në zonën e Bright Angel Canyon dhe Phantom Ranch. LEXO edhe...Shqiptarët s’i lënë vetëm, mbi 270 mijë dollarë ndihma për familjen Manati në SHBA që humbi 3 djemtë nga zjarri Videot e xhiruara nga alpinistët tregojnë një rrëke uji me baltë që vërshon përgjatë shtigjeve dhe nën urat për këmbësorë, së bashku me trungje dhe mbeturina të tjera që lundrojnë poshtë lumenjve. Të paktën 62 persona janë evakuuar nga destinacioni i njohur turistik pasi përmbytja shkaktoi dëme të konsiderueshme. Mes personave të evakuuar ishte edhe Nikki Baggs, 41 vjeçe, e cila ndodhej në fund të Kanionit të Madh së bashku me dy shoqet e saj. “E gjithë kjo ishte e tmerrshme. Ishte një ditë e bukur dhe më pas njerëzit filluan të bërtisnin dhe të vraponin”, tha Baggs për BBC. Ajo tregoi se sapo kishte lënë sendet e saj në një kasolle në Phantom Ranch, një zonë e largët në fund të Kanionit të Madh, kur vendosi të dilte së bashku me shoqet për të shijuar ditën. "Situata ndryshoi papritur me fillimin e reshjeve", thotë ajo. Të gjitha zonat me rrezik të lartë tani janë mbyllur plotësisht, pasi priten stuhi që mund të sjellin sërish përmbytje të tjera. Xh.K/ReportTv.al arizona permbytje SHBA Komento Komente Sondazhi i ditës: Bashkia e Tiranës pa drejtues në zyrë, kush e ka përgjegjësinë? Politika 30.1% Drejtësia 66.3% Nuk e di 3.6% Vota total: 1389 Sondazhi i ditës: Bashkia e Tiranës pa drejtues në zyrë, kush e ka përgjegjësinë?
