Instituti i Statistikave ka publikuar të dhënat për vitin 2025 mbi ndryshimet në strukturën e grumbullimit dhe përpunimit të qumështit.
Sipas raportit sasia totale e qumështit të grumbulluar nga subjektet përpunuese ka arritur në rreth 101 mijë tonë, duke shënuar një rritje prej 6,9% krahasuar me vitin 2024. Analiza e të dhënave tregon se kjo rritje e përgjithshme është nxitur nga qumështi i lopës, i cili mbetet kategoria mbizotëruese. Sasia e qumështit të lopës ka arritur në 84 mijë tonë, duke shënuar një rritje prej 12,5% krahasuar me vitin pararendës.
Në kontrast të plotë me këtë trend, sektori i qumështit të kafshëve të imta ka përjetuar një tkurrje të dukshme. Qumështi i deles ka pësuar rënien më të madhe, duke zbritur në 9 mijë tonë, që përkthehet në një ulje prej 21,1%. E njëjta tendencë negative është vërejtur edhe te qumështi i dhisë, i cili ka rënë në rreth 8 mijë tonë, duke shënuar një ulje prej 4,3%.
Këto ndryshime tregojnë një zhvendosje të industrisë së përpunimit drejt një mbështetjeje më të lartë te qumështi i lopës, ndërsa vëllimet e qumështit të deles dhe dhisë po shënojnë rënie të vazhdueshme në treg. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.