Rama në New York Kryeministri Edi Rama, ka reaguar pas sulmit me vezë nga shqiptarët në New York, ku ai po merr pjesë në Asamblenë e Përgjithshme të OKB-së. Kritikat dhe protestat e shqiptarëve e kanë ndjekur Edi Ramën edhe përtej Atlantikut, ndërsa kryeministri ka reaguar me tone të ashpra ndaj kundërshtarëve të tij. Në qendër të reagimit janë akuzat për korrupsion, të cilave Rama u përgjigjet duke e paraqitur daljen e zyrtarëve para drejtësisë si dëshmi të funksionimit të sistemit të ri.
Pas protestave dhe reagimeve që kanë shoqëruar qëndrimin e tij në SHBA, Rama ka zgjedhur t’u përgjigjet drejtpërdrejt kritikëve. Ai përdor shprehje si “pula histerike” dhe deklaron se nuk do të ndalet nga “balta, vezët dhe jargët” në atë që e cilëson si misionin e tij për ta çuar Shqipërinë drejt Bashkimit Europian.
“Këtyre që mbulohen me flamurin kombëtar dhe çarten rrugëve si pula histerike, u them vetëm se atë flamur e kam ngritur më lart se çka qenë kurrë ndonjëherë në sytë e botës”, shkruan Rama.
Kryeministri e lidh drejtpërdrejt luftën kundër korrupsionit me funksionimin e institucioneve të drejtësisë. Sipas tij, fakti që zyrtarë dhe ish-zyrtarë përballen me drejtësinë nuk është argument se sistemi ka dështuar, por tregues se ai është në gjendje të godasë korrupsionin.
“Nëse për herë të parë në historinë e shtetit shqiptar, kemi një sistem institucional që shfaq aftësi vetëpastrimi, kjo është një arritje e madhe që nuk ka rënë nga qielli po ka ardhur pikërisht si një nga rezultatet e këtij misioni!”, deklaron Rama.
Në reagimin e tij, Rama këmbëngul gjithashtu se kritikat, protestat dhe akuzat nuk do ta detyrojnë të tërhiqet.
“Dhe le ta dëgjojnë e ta mbajnë mirë vath në vesh meqë kujtojnë se mposhtem unë dot me ‘bombat çudibërëse’ që amplifikojnë në kupë të qiellit ditë e natë fjalën korrupsion”, shkruan ai.
Rama pretendon se lufta konkrete kundër korrupsionit është pikërisht tregues se institucionet po funksionojnë, ndërsa kundërshton interpretimin se hetimet ndaj njerëzve të pushtetit provojnë dështimin e qeverisjes.
Reagimi vjen ndërsa Rama përballet me kritika dhe protesta edhe gjatë qëndrimit jashtë vendit. Kryeministri, megjithatë, e bën të qartë në postimin e tij se nuk ka ndërmend të tërhiqet dhe se do të vijojë atë që e konsideron misionin për integrimin e Shqipërisë në Bashkimin Europian.
"Këtyre që mbulohen me flamurin kombëtar dhe çarten rrugëve si pula histerike, u them vetëm se atë flamur e kam ngritur më lart se çka qenë kurrë ndonjëherë në sytë e botës. Kurse atyre që kujtojnë se do më ndalin me baltë, vezë dhe jargë, në misionin tim për ta çuar flamurin tonë në majën e Europës së Bashkuar, u them se nëse për herë të parë në historinë e shtetit shqiptar, kemi një sistem institucional që shfaq aftësi vetëpastrimi, kjo është një arritje e madhe që nuk ka rënë nga qielli po ka ardhur pikërisht si një nga rezultatet e këtij misioni!
Dhe le ta dëgjojnë e ta mbajnë mirë vath në vesh meqë kujtojnë se mposhtem unë dot me “bombat çudibërëse” që amplifikojnë në kupë të qiellit ditë e natë fjalën korrupsion: Në një vend që është i mbytur në kënetën e korrupsionit, nuk ka luftë frontale e as rezultate konkrete kundër korrupsionit dhe atë vend e kemi jetuar ne, që të gjithë, deri kur unë me partinë time e kthyem rrotën e drejtësisë nga barazia e të gjithëve para ligjit! Sot Shqipëria nuk është më ai vend e prandaj edhe Bashkimi Europian e çmon gjithnjë e më shumë Shqipërinë për këtë luftë, ndërkohë që pulat histerike të katundit tonë kakarisin e hedhin vezë në ajër për llogari të gjelave tallagjarë të pazarit politik e mediatik, të cilët i gënjen mendja sa një vezë, se do të më ndalin mua me llogjet e pafundme për korrupsionin që po luftohet nga vetë sistemi që po ndërtojmë, apo me sharjet e mallkimet folklorike si të këtij sqepit bashkëngjitur, që e shkruan shqipen me këmbët e pulës", shkruan Rama në postimin e tij. Lini një Përgjigje Anuloje përgjigjen Politike “Shqipëria u përket shqiptarëve”, Rama nga Nju Jorku: Slogan i turpshëm, epokë neonaziste 4.0 25 Shtator 2026, 16:4716:47Politike Çfarë dinë Agasi dhe Hyseni për Ramën? Çollaku: Kryeministri është i trembur 25 Shtator 2026, 16:2216:22Politike “15 mijë dollarë nata”, Koçeku ngre pikëpyetje për akomodimin e Ramës në New York: Kush e paguan faturën? 25 Shtator 2026, 16:1916:19Politike Vendimi i Speciales për ish-krerët e UÇK-së, Rama shpërthen ndaj SHBA: Tradhtuan Hashim Thaçin! 25 Shtator 2026, 16:1416:14Politike Lëvizjet e fundit të Ramës, shkarkon kreun e koncesioneve dhe çon Muzakën te Ministria e Brendshme 25 Shtator 2026, 16:0616:06Politike PD kërkon të zhbëjë hartën e Ramës, çon në Kuvend formulën me 100 bashki 25 Shtator 2026, 15:5015:50Politike