Një grup protestuesish në Tiranë, kanë shkuar në takimet në kuadër të Pranisë Besnike të PS, drejtuar nga ministri Sofjan Jaupaj. Ata i janë drejtuar ministrit me pyetjen se përse nuk e shfuqizoni ligjin 21/2024, ndërsa ky i fundit iu është përgjigjur se nuk ishte vendi dhe koha për këto pyetje, duke i ftuar që të ulen dhe të diskutojnë për problematikat që i shqetësojnë.
“Jam duke i bërë negociata siç duhet për BE, nuk është as vendi as momenti për këtë”, dëgjohet ai t’u thotë të rinjve protestues.
“Nuk jam këtu për të bërë reels e radhës, jam këtu si drejtues i njësisë numër 7”, shton ai më tej, kur ata nuk pranojnë të ulen por vijojnë me pyetjen për ligjin 21/2024.
Pamjet e videos janë shpërndarë nga vetë grupi i protestuesve, të cilët shprehen se Prania Besnike nuk është takim i hapur, por se në të marrin pjesë “organizata socialiste”. Top Channel