Vlora Hyseni / Deklarata e koduar e Vlora Hysenit, lufta e shërbimeve që fshihet pas dosjes së SPAK-ut Nga operativët privatë te kërcënimet e botës së krimit, përplasja duket se shkon përtej një hetimi penal dhe prek shërbimet partnere, Revolucionin e Flamingove dhe kundërofensivën e Edi Ramës. Deklarata tymuese e Vlora Hysenit në oborrin e SPAK-ut duket se ka një adresë më të ndërlikuar sesa gazetarja apo prokurorët e Prokurorisë së Posaçme.
Ajo deklaratë ngjan qartësisht me një manovër spiunësh, pra me një mesazh të koduar. Kuptimi i drejtpërdrejtë i fjalëve të saj nuk ka ndonjë rëndësi të veçantë. Peshën e marrin nuancat dhe sinjalet e fshehura brenda tyre.
Hyseni e kishte përgatitur deklaratën me kujdes dhe, sipas të gjitha gjasave, që më parë. Nëpërmjet saj, ajo hapi një horizont më të gjerë të kësaj loje apo intrige, e cila duket shumë më e madhe sesa një procedim penal i SPAK-ut ndaj drejtueses së shërbimit sekret.
Kjo çështje mund të fshehë një përplasje të fortë ndërmjet shërbimeve, operativëve dhe agjentëve që veprojnë në terren. Situata ngjan me një ngjarje të ndodhur vite më parë në Kosovë, kur qeveria e drejtuar nga Hashim Thaçi arrestoi dy persona, duke i akuzuar si agjentë të shërbimit sekret gjerman, BND.
Berlini zyrtar e mohoi me forcë akuzën. Në prapaskenë, megjithatë, dukej se zhvillohej një lojë mes shërbimeve, me struktura ose operativë që kishin dalë nga kontrolli. Shërbimet përdorin prej vitesh një metodë të tillë, duke angazhuar në terren personazhe që nuk figurojnë si punonjës, por veprojnë si kontraktorë privatë për llogari të dikujt tjetër.
Afera Vlora-Gysi ngjan pikërisht me një marrëdhënie të tillë kontraktuale. Kjo lidhje duket se përfshin edhe shërbimin sekret. Agasi, me mjetet dhe stafin e tij të gjerë, mund të ketë prekur çështje shumë delikate, ku nuk duhej të ndërhynte.
Bëhet fjalë për veprimtarinë e shërbimeve partnere të vendeve të mëdha, të cilat janë të pranishme në Shqipëri. Pikërisht këtu duket se zhvillohet loja, jo vetëm sot, por prej kohësh. Periudha më intensive e kësaj përplasjeje duket se shtrihet nga qershori deri tani, duke përfshirë Revolucionin e Flamingove dhe dinamikat që e pasuan.
Edi Rama ndërmori më pas një kundërofensivë ndaj këtyre faktorëve. Për këtë sulm, ai duket se përdori si ndërmjetës jo vetëm lidhjet me shërbime të tjera, por edhe nëntokën kriminale.
Kjo u pa pak ditë më parë, kur një personazh i njohur që mbështet protestën publikoi një mesazh kërcënues. Autori i mesazhit përdorte një gjuhë perverse dhe përcillte një tjetër sinjal të koduar.
Pa cituar të gjithë tekstin, i cili përmbante shprehje të rënda, mesazhi paralajmëronte aktivizimin e botës së krimit për të penguar rikthimin e protestave masive në Tiranë. Ai përmbante edhe kërcënime të drejtpërdrejta.
Megjithatë, kryeregjisori që ka nxjerrë nga foletë të gjitha kafshët e kopshtit të tij zoologjik nuk e ka aq të lehtë ta kontrollojë situatën.
Në këtë përplasje do të marrë rëndësi të veçantë qëndrimi i ambasadorit të ri amerikan në Shqipëri. Ai ende nuk ka folur publikisht dhe, sipas njoftimeve, do ta paraqesë qëndrimin e tij më 2 tetor./Pamfletiprapaskenat drithëruese vlora hyseni spak Lini një Përgjigje Anuloje përgjigjen Dosja e zezë SPAK hap dosjen Baks-Rrjolli/ Roli i “zonjës“ së territorit Adelina Greca, vëllezërit Efthimi dhe plani që urbanizoi tokat e resorteve 25 Shtator 2026, 14:0814:08Dosja e zezë “Ky është fillimi i luftës së egër ndaj teje”/ Gusht 2024, kur Vlora Hyseni dhe Ergys Agasi vunë SHISH e Policinë kundër Pamfletit 24 Shtator 2026, 19:2519:25Dosja e zezë Klani Agasi ka kapur TV-të/ Ekranet e “shpëlarjes” ndezin motorrët për Gysin dhe “zemrën”; debati zhvendoset te “armiqtë“ e tij 24 Shtator 2026, 17:4717:47Dosja e zezë Media franceze: Skandali në SHISH, prek sigurinë e NATO-s dhe integrimin e Shqipërisë në BE 24 Shtator 2026, 12:0612:06Dosja e zezë Furtuna e Vlora Hysenit, 'çadra' e Ramës për cunamin e radhës 23 Shtator 2026, 18:0518:05Dosja e zezë “Emra, transferta dhe dëshmi”/ Bomba nga Austria për qeverinë ‘Rama’: Ku shkojnë milionat e korrupsionit? (Video) 23 Shtator 2026, 15:4615:46Dosja e zezë