Protestë te nyja e qarkullimit te Zogu i Zi në Tiranë, në ditën e parë të vitit të ri shkollor. Protestuesit kanë tentuar të bllokojnë qarkullimin, duke shkaktuar vështirësi në lëvizjen e automjeteve. Policia ka ndërhyrë menjëherë për të liruar aksin, ndërsa disa prej protestuesve janë shoqëruar nga efektivët. Ngjarja ka ndodhur në një moment kur trafiku në kryeqytet ka qenë i rënduar për shkak të nisjes së vitit të ri shkollor dhe rritjes së fluksit të automjeteve në akset kryesore. Forcat e policisë kanë vijuar ndërhyrjen për rikthimin e qarkullimit normal në zonë.
