Ministria e Shëndetësisë dhe Mirëqenies Sociale, sipas informacioneve paraprake nga strukturat spitalore dhe poliklinikat informon se gjatë protestës së sotme janë regjistruar disa të lënduar.
Në Spitalin Universitar të Traumës janë paraqitur 9 të lënduar, mes të cilëve 7 protestues. Njëri prej të cilëve i lënduar në sy, po i nënshtrohet ekzaminimeve, jashtë rrezikut për jetën; si edhe 2 përfaqësues të medias.
Aktualisht, 5 të lënduar kanë lënë spitalin, pasi kanë marrë trajtimin e nevojshëm. Ndërsa 4 protestues po vijojnë ekzaminimet dhe trajtimin.
Në Qendrën Spitalore Universitare “Nënë Tereza”, janë paraqitur një protestues, një efektiv policie. Të dy kanë lënë spitalin pasi kanë marrë trajtimin.
Te Poliklinika e Specialiteteve Nr.2, Tiranë janë paraqitur 2 efektivë policie, të lënduar në sy, të cilët kanë marrë trajtim e nevojshëm.
Të lënduarit kanë lënë ambientet e poliklinikës, pasi kanë marrë trajtimin e nevojshëm./CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.