Tre persona janë arrestuar nga Policia e Kurbinit, ndërsa një tjetër është shpallur në kërkim, pas një konflikti që përfi me të shtëna me armë zjarri në drejtim të një automjeti.
Ngjarja ka ndodhur mesditën e djeshme në rrugën e Patokut, ku një 38-vjeçar ka kallëzuar në polici se, teksa lëvizte me automjet, ishte qëlluar me armë zjarri.
Pas veprimeve të shpejta hetimore dhe policore, specialistët e Seksionit për Hetimin e Krimeve Kundër Personit kanë bërë të mundur lokalizimin dhe ndalimin e tre personave, përkatësisht 67, 40 dhe 28 vjeç, të gjithë banues në Laç. Sipas hetimeve, personat e ndaluar, së bashku me një 35-vjeçar që është shpallur në kërkim, dyshohet se pas një konflikti verbal për motive të dobëta me 38-vjeçarin, kanë qëlluar me armë zjarri në drejtim të automjetit me të cilin ai po lëvizte.
Fatmirësisht, nga të shtënat nuk pati persona të lënduar.
Gjatë largimit nga vendngjarja, 38-vjeçari ka përplasur me automjetin e tij një tjetër mjet, duke shkaktuar vetëm dëme materiale. Automjeti i tij është sekuestruar nga policia si provë materiale. Mos rri jashtë: bashkohu me ABC News. Ne jemi kudo! *KryesoreAktualitet