Situata para Ministrisë së Arsimit është tensionuar, ku efektivët e policisë kanë përdorur autobotin me ujë me presion në drejtim të protestuesve. Përgjigja erdhi pasi një grup të rinjsh sulmuan me gurë policinë, ndërsa policia u përgjigj me hedhjen e spray-t me piper. Po ashtu gurë po hidhet dhe drejt Ministrisë së Arsimit, atje ku prej shumë ditësh protestohet nga studentët shqiptare, ndërsa kërkojnë dorëheqjen e Ramës. Ndërkohë, bojkoti i procesit mësimor është duke vijuar. Nga ana tjetër, kryeministri Edi Rama ka përsëritur thirrjet për dialog me studentët protestues, duke shprehur gatishmërinë për komunikim. Megjithatë, deri më tani kjo ofertë nuk ka sjellë ndryshim në qëndrimin e protestuesve, të cilët vijojnë të këmbëngulin se dorëheqja e kryeministrit është kërkesa e tyre kryesore. Në mbështetje të studentëve janë rreshtuar edhe pedagogë dhe qytetarë, të cilët kanë shprehur solidaritet me kauzën e tyre. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: protesta
