Ish-presidenti i Kosovës, Hashim Thaçi, është dënuar me 25 vite burgim nga Dhomat e Specializuara në Hagë, pasi u shpall fajtor për krime lufte, përfshirë vrasje, torturë, trajtim mizor dhe ndalim të paligjshëm.
Por përtej shifrës së rëndë të dënimit, vëmendjen e tërhoqi edhe qëndrimi i Thaçit në sallën e gjyqit dhe buzëqeshja e tij në momentet e shpalljes së vendimit. I veshur me kostum dhe i ulur përballë trupit gjykues, Thaçi dëgjoi vendimin e Gjykatës në Hagë. Përballë një dënimi prej 25 vitesh burg, momenti i tij u shoqërua me një qetësi dhe buzëqeshje që nuk kaloi pa u vënë re.
Gjykata e shpalli atë fajtor për katër vepra penale lufte: vrasje të paligjshme, torturë, trajtim mizor dhe arrestim e ndalim të paligjshëm. Sipas vendimit, Thaçi u gjet përgjegjës për vrasjen e 96 personave, si dhe për raste të ndalimit të paligjshëm dhe torturës