Karburanti ku ndodhi shpërthimi Një 39-vjeçar ka pësuar djegie në trup, ndërsa një tjetër është dërguar në spital pas tronditjeve nga shpërthimi. Ngjarja vjen rreth tri javë pas shpërthimit në një pikë karburanti te Brryli në Tiranë, ku u dëmtuan tre punonjës. Një shpërthim i fortë është regjistruar mesditën e kësaj të marte në një pikë karburanti në Sarandë, duke lënë të plagosur dy persona.
Ngjarja ka ndodhur në rrugën “Skënderbeu”, ndërsa të plagosurit janë transportuar menjëherë në urgjencën e spitalit të Sarandës.
Të dëmtuarit janë Fatmir Pema, 39 vjeç, i cili ka pësuar djegie në trup, dhe Florian Bica, 27 vjeç, i cili është dërguar në spital pas tronditjeve të shkaktuara nga shpërthimi.
Në vendngjarje kanë mbërritur forcat e policisë dhe shërbimet zjarrfikëse. Deri në këto momente nuk është bërë i ditur zyrtarisht shkaku i shpërthimit dhe pritet që hetimet të përcaktojnë rrethanat e plota të ngjarjes.
Ngjarja në Sarandë vjen vetëm rreth tri javë pas një tjetër shpërthimi në një pikë karburanti, këtë herë në kryeqytet. Më 9 shtator, një shpërthim ndodhi në një karburant në zonën e Brrylit në Tiranë. Tre punonjës u dëmtuan dhe u dërguan në spital, jashtë rrezikut për jetën. Informacionet e para të policisë flisnin për shpërthimin e mundshëm të një bombole gazi gjatë furnizimit të një automjeti.
Më vonë, Drejtoria e Inspektimit të Naftës dhe Gazit dha një tjetër version paraprak, sipas të cilit zjarri dyshohej se kishte nisur nga pjesa e pasme e një automjeti që ndodhej në sheshin e furnizimit dhe më pas kishte shkaktuar shpërthimin dhe dëmtimin e aparateve të karburantit. Sipas këtij versioni, rezervuarët nëntokësorë nuk kishin shpërthyer.
Dy ngjarjet kanë ndodhur brenda të njëjtit muaj dhe në të dyja rastet ka pasur persona të dëmtuar. Megjithatë, deri tani nuk ka të dhëna që t’i lidhin dy shpërthimet apo që të tregojnë se kanë pasur të njëjtin shkak.
Për shpërthimin e sotëm në Sarandë, autoritetet pritet të përcaktojnë nëse incidenti lidhet me pajisjet e pikës së karburantit, procesin e furnizimit apo një shkak tjetër.sarande karburant whatsapp image 2026 09 29 at 124005 screenshot 1 Lini një Përgjigje Anuloje përgjigjen Kronike Gjendet i pajatë një person në Farkë, dyshohet se është përplasur nga një automjet 29 Shtator 2026, 12:0212:02Kronike Të shtëna me armë në Qafështamë, qëllohet gjatë aksionit antidrogë 29 Shtator 2026, 11:5111:51Kronike Tragjedi në Greqi/ 16-vjeçari shqiptar humb jetën pas dëmtimit në fushën e futbollit 29 Shtator 2026, 11:3111:31Kronike Në kërkim ndërkombëtar për vrasje, arrestohet në Itali Vangjel Balla 29 Shtator 2026, 10:0310:03Kronike Video/ Me makinë në trotuar duke kryer manovra të rrezikshme për TikTok, kapet shoferi në Berat 29 Shtator 2026, 09:4909:49Kronike Terror në qendër të qytetit, shqiptari kërcënonte kalimtarët me thikë; arrestohet nga policia italiane 29 Shtator 2026, 08:1608:16Kronike