Nicole Scherzinger ka pësuar një djegie të dhimbshme në këmbë vetëm një orë para se të dilte në skenë me Pussycat Dolls në Düsseldorf të Gjermanisë.
Këngëtarja 48-vjeçare ka treguar në Instagram një foto të këmbës së saj, ku duken skuqje dhe flluska të shkaktuara nga uji i valuar.
“Është e mrekullueshme kur uji i valuar të bie në këmbë një orë para performancës. Por shfaqja duhet të vazhdojë”, shkroi Scherzinger në Instagram Story, duke treguar se incidenti ndodhi pak para koncertit të 26 shtatorit.
Pavarësisht dëmtimit, këngëtarja nuk e anuloi koncertin në PSD Bank Dome dhe doli në skenë së bashku me Ashley Roberts dhe Kimberly Wyatt.
Pas performancës, Scherzinger falënderoi publikun në Düsseldorf për mbështetjen dhe njoftoi se turneu do të vijonte me ndalesën e radhës në Amsterdam.
Nicole Scherzinger dhe Pussycat Dolls janë aktualisht në turneun “PCD Forever”, i cili shënon rikthimin e grupit në skenat ndërkombëtare.
Burimi: People