Madonna dhe Taylor Swift ishin ndër emrat kryesorë të ceremonisë së MTV Video Music Awards 2026, e zhvilluar në Los Angeles. Madonna kryesoi mbrëmjen me shtatë çmime, ndërsa Taylor Swift fitoi trofeun kryesor, “Video of the Year”.
Madonna, e cila kishte numrin më të madh të nominimeve, 13, u shpall “Artist of the Year” dhe fitoi edhe për “Best Dance”, “Best Collaboration” së bashku me Sabrina Carpenter, si dhe çmime të tjera për albumin dhe projektet e saj vizuale. Ajo gjithashtu hapi ceremoninë me një performancë, në rikthimin e saj në skenën e VMA-ve pas 23 vitesh.
Taylor Swift fitoi “Video of the Year” për “The Fate of Ophelia”, ndërsa mori edhe trofeun e parë “Artist Director Honors”, një vlerësim i ri për artistët që kanë dhënë kontribut të rëndësishëm në regjinë dhe realizimin e videoklipeve.
Në kategoritë e tjera, BTS fitoi “Song of the Year” me “Swim”, ndërsa grupi mori edhe çmimet “Best Group” dhe “Best K-Pop”. LISA u shpall fituese e “Best Pop” me “Dream”, ndërsa Sienna Spiro fitoi “Best New Artist”.
Një tjetër moment i rëndësishëm ishte nderimi i Nirvana-s me “Video Vanguard Award”, për ndikimin e grupit në historinë e videoklipeve muzikore. Ceremonia u drejtua nga Snoop Dogg dhe solli në skenë disa prej emrave më të mëdhenj të muzikës.
Burimi: Reuters