Lajme Zone
Nga supa me “fshikëzën” e peshkut te ëmbëlsira me fasule të kuqe, zbulohet menuja e darkës së Trump, Putin dhe Xi Jinping
BotëGazeta Tema

Nga supa me “fshikëzën” e peshkut te ëmbëlsira me fasule të kuqe, zbulohet menuja e darkës së Trump, Putin dhe Xi Jinping

Një menu jo e zakonshme, me specialitete të kuzhinës kineze, ishte përgatitur për darkën zyrtare të organizuar nga presidenti kinez Xi Jinping në Shenzhen, në kuadër të samitit të APEC-ut. Mes të ftuarve në këtë banket ishin edhe presidenti amerikan Donald Trump dhe ai rus Vladimir Putin.

Një menu jo e zakonshme, me specialitete të kuzhinës kineze, ishte përgatitur për darkën zyrtare të organizuar nga presidenti kinez Xi Jinping në Shenzhen, në kuadër të samitit të APEC-ut. Mes të ftuarve në këtë banket ishin edhe presidenti amerikan Donald Trump dhe ai rus Vladimir Putin.

Sipas raportimeve të mediave ndërkombëtare, mes tyre “South China Morning Post”, menuja përfshinte një sërë gatimesh tradicionale, duke nisur nga supat me përbërës të rrallë e deri te pjatat me produkte deti dhe mish.

Darka nisi me një përzgjedhje antipastash të ftohta, të quajtura “Qyteti i Rokut”, një emërtim që i referohet Shenzhenit. Më pas, të ftuarve iu shërbye një supë me fshikëzën e notimit të peshkut dhe ullinj kinezë. Ky përbërës, i njohur në kuzhinën aziatike si “fish maw”, konsiderohet një delikatesë dhe përdoret kryesisht në supa.

Në pjatat kryesore spikatën karavidhet e skuqura me xhenxhefil dhe qepë të njoma, krapi i detit i gatuar në avull, si dhe bifteku i viçit me kërpudha.

Menuja përfshinte gjithashtu kërpudha morel, lakra të vogla dhe gështenja të përgatitura me salcë shafrani. Në tryezë u servirën edhe specialitete të kuzhinës kantoneze, mes tyre disa lloje dim sum, kafshata të vogla tradicionale kineze.

Edhe ëmbëlsirat kishin një përzgjedhje të veçantë. Të ftuarit patën në dispozicion supë të ëmbël me fasule të kuqe, lëkurë mandarine të tharë dhe fara lotusi, si dhe tortë, fruta të freskëta dhe akullore.

Për të shoqëruar ushqimin ishin përzgjedhur edhe verëra kineze, mes tyre një Cabernet Sauvignon i vitit 2019 dhe një verë e bardhë e vitit 2020 nga rajoni Ningxia, si dhe verë e ëmbël me lychee nga provinca Guangdong.

Banketi u organizua nga Xi Jinping dhe bashkëshortja e tij, Peng Liyuan, për nder të liderëve dhe përfaqësuesve të 21 ekonomive pjesëmarrëse në samitin e APEC-ut. Mbrëmja përfshinte gjithashtu një program muzikor me 22 pjesë.