Dy persona në kërkim ndërkombëtar për trafik droge janë arrestuar në Durrës. Të arrestuarit janë identifikuar si Enkelet Avduli dhe Sadik Kasa. LEXO edhe...Itali/ Ranucci, ‘bomba’ e re është në librin e tij dhe ka tre emra grash: Karoline, Emilia dhe Lavinia, si edhe marrëdhëniet ‘e rrezikshme’ Njoftimi i policisë: Si rezultat i koordinimit të informacioneve dhe veprimeve operacionale, me partnerët ndërkombëtarë në Itali dhe në Spanjë, me objektiv lokalizimin dhe kapjen e 2 shtetasve të kërkuar ndërkombëtarisht, për disa vepra penale, specialistët e Seksionit për Mbështetjen Operacionale të Hetimit, në bashkëpunim me shërbimet e komisariateve të Policisë Shijak dhe Kavajë, finalizuan operacionin e koduar “Implikimi”. Në kuadër të operacionit u arrestuan provizorisht, me qëllim ekstradimin, shtetasit: -Enkelet Avduli, 46 vjeç, i cili u kap teksa lëvizte me automjet, në aksin rrugor “Rrogozhinë–Peqin”, pasi Gjykata e Apelit e Bolonjës, Itali, e ka dënuar me 7 vjet, 5 muaj dhe 9 ditë burgim, për trafikim të lëndëve narkotike, armëmbajtje pa leje dhe kanosje; -S. K., 38 vjeç, i cili u kap në fshatin Sukth i Ri, pasi autoritetet gjyqësore në Madrid i kanë caktuar masë sigurie “Arrest në burg”, për veprat “Trafikimi i lëndëve narkotike” dhe “Pjesëmarrja në organizatë kriminale", me qëllim tregtimin e lëndëve narkotike. Interpol Tirana, në bashkëpunim me autoritetet italiane dhe spanjolle, vijon procedurat për ekstradimin e këtyre shtetasve. Lajm në përditësim… ------------------------------- Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë Xh.K/ReportTv.al Durres trafik droge Enkelet Avduli Sadik Kasa ekstradim spanje itali Komento Komente Sondazhi i ditës: Si e vlerësoni vendimin e PD për të bojkotuar seancat plenare? Të drejtë 10.5% Të gabuar 85.8% Nuk e di 3.7% Vota total: 4691 Sondazhi i ditës: Si e vlerësoni vendimin e PD për të bojkotuar seancat plenare?
