Gazetari dhe moderatori Blendi Fevziu ka deklaruar se Autoriteti i Mediave Audiovizive (AMA) ka gjobitur televizionin Klan, për përmbajtjen e emisionit “Opinion”, të transmetuar më 22 tetor.Sipas deklaratës së tij, shkak për penalizimin është bërë kritika e gazetarit Armand Shkullaku ndaj kryeministrit Edi Rama gjatë emisionit. Ai e konsideron këtë vendim të pajustifikuar dhe një ndërhyrje në lirinë e shprehjes dhe në të drejtën e të ftuarve për të shprehur mendimet e tyre.“Shkullaku ka sharë Ramën, që ka 15 vjet që e bën, ndoshta 25 vjet që e bën, dhe për këtë do të paguhet një gjobë. Ti nuk e di çfarë thotë i ftuari në studio, nuk mund t'i diktosh të ftuarit çfarë do të thotë, sepse është e drejta e tij absolute të thotë”, deklaroi ai. “Mua më thonë pse nuk ke qortuar Shkullakun. Unë duhet të qortoj Shkullakun që Shkullaku qorton Ramën dhe kritikët e qortimeve të tij t'i kemi marrë gjobë. Kjo është idiotësi”, tha ai.Më tej, Fevziu e cilësoi vendimin si një shembull të burokracisë dhe të përpjekjeve për t'u bërë qejfin personave në pushtet.“Kjo është një lloj legenllëku i zakonshëm i atyre njerëzve burokratë që rrinë dhe shihen dhe mhen t'i bëjnë qejfin njëri-tjetrit”, u shpreh ai.“Zoti mos jetë kujtuar Rama pas 30 vjetësh që Shkullaku e shan dhe ka vendosur gjobën, të ketë kërkuar gjobën ai, po këtë s'e besoj”, deklaroi Fevziu. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm
