Merz pritet gjithashtu t’i kërkojë qeverisë ukrainase të bëjë përparim në reformat e kërkuara nga partnerët e Bashkimit Evropian, përfshirë luftën kundër korrupsionit. Kancelari gjerman Friedrich Merz në Kiev, Ukrainë Kancelari gjerman Friedrich Merz ka mbërritur në Kiev për vizitën e tij të dytë në kryeqytetin ukrainas në cilësinë e kancelarit.
Sipas gazetës Frankfurter Allgemeine Zeitung, Merz ka mbërritur me një tren të posaçëm, në një vizitë të befasishme. Udhëtimi është mbajtur sekret deri në momentin e fundit për arsye sigurie, ndërsa edhe detajet e sakta të agjendës ditore do të bëhen publike zyrtarisht vetëm pasi të jenë zhvilluar.
Kancelari shoqërohet nga ministrja e Ekonomisë, Katherina Reiche, si dhe nga dhjetë sipërmarrës të sektorëve të mbrojtjes dhe energjisë.
Shpërthime janë dëgjuar në Kiev, ndërsa Merz ndodhej në kryeqytetin ukrainas. Shpërthimeve u paraprinë sirenat e alarmit ajror dhe një njoftim për praninë e dronëve rusë në hapësirën ajrore.
“Erdha sot në Kiev sepse Ukraina ka nevojë për gjithë mbështetjen tonë në javët e ardhshme”, deklaroi Merz në një komunikatë të publikuar pas mbërritjes së tij në kryeqytetin ukrainas.
“Nëse Rusia nuk ndalet, makineria e saj luftarake herët a vonë do të drejtohet kundër nesh”, theksoi ai.
Kancelari gjerman Friedrich Merz do të njoftojë një paketë masash që parashikon akordimin e 1 miliard eurove për ndihmë ushtarake ndaj Ukrainës dhe 350 milionë eurove për ndërhyrje në sektorin energjetik. Kështu shkruan Reuters në faqen e saj, duke iu referuar zyrtarëve të qeverisë gjermane.
Gjatë vizitës pritet gjithashtu të finalizohet një marrëveshje për prodhimin e përbashkët të disa llojeve të dronëve.
Kancelari gjerman shoqërohet edhe nga një delegacion ekonomik, ku bëjnë pjesë drejtues të kompanive Siemens Energy, Hensoldt, Diehl Defence, Quantum Systems dhe kompani të tjera.
Merz pritet gjithashtu t’i kërkojë qeverisë ukrainase të bëjë përparim në reformat e kërkuara nga partnerët e Bashkimit Evropian, përfshirë luftën kundër korrupsionit.
Zelensky tha të mërkurën, pas një bisede telefonike me Merz, se Ukraina së shpejti do të finalizonte marrëveshjen me Gjermaninë për prodhimin e dronëve, raketave dhe softuerëve përkatës.
Një nga pikat kryesore të marrëveshjes pritet të jetë prodhimi i shpejtë i dronëve kundër avionëve luftarakë, një teknologji që kompania gjermane e teknologjisë së mbrojtjes Quantum e ka testuar me sukses. Që prej verës, Rusia ka përdorur çdo ditë dhjetëra dronë sulmues me shpejtësi të lartë për të goditur infrastrukturën civile dhe ushtarake.
Në prill, Quantum dhe prodhuesi ukrainas WIY Drones njoftuan krijimin e kompanisë së përbashkët Quantum WIY Industries, e cila do të prodhojë dronin interceptues Strila dhe teknologji të tjera të lidhura me mbrojtjen ajrore.
Marrëveshja përfshin gjithashtu zhvillimin dhe prodhimin e përbashkët të armëve me rreze veprimi prej më shumë se 1,000 kilometrash, të cilat Ukraina mund t’i përdorë për të kryer sulme në thellësi të territorit rus.
Zyrtarët qeveritarë thanë se rritja e bashkëpunimit do të mundësojë që paratë dhe teknologjia të rikthehen në Republikën Federale të Gjermanisë, ku prodhohen armët dhe ku mund të forcohen mbrojtjet kundër dronëve që synojnë infrastrukturën kritike.
Të enjten, Merz tha se Gjermania nuk do të frikësohej nga rritja e numrit të sulmeve hibride të Rusisë ndaj shteteve evropiane.
Ministria e Jashtme ruse tha në një deklaratë të shtunën se Moska do të vazhdonte të godiste sistematikisht objektivat në Ukrainë, në atë që e cilësoi si sulme hakmarrëse ndaj sulmeve ukrainase kundër Rusisë gjatë muajve të fundit. Moska paralajmëroi shtetasit e huaj dhe personelin diplomatik që të mos qëndrojnë apo të udhëtojnë në Ukrainë.
Zelensky i tha Reuters të shtunën se forcat e armatosura të Ukrainës do të intensifikojnë sulmet ndaj rafinerive të naftës në Rusi, në përgjigje të asaj që ai e quajti “doktrina e re” e Moskës për përshkallëzimin e sulmeve ndaj infrastrukturës civile. Sipas tij, kjo strategji synon t’i detyrojë banorët e Kievit dhe të qyteteve të tjera ukrainase të largohen. Lini një Përgjigje Anuloje përgjigjen Rajoni dhe Bota Marrëveshja 20 miliardë dollarë e Lukoil, "beteja" e naftës bashkon Trump, Putin dhe miliarderët e Gjirit 4 Tetor 2026, 10:0010:00Rajoni dhe Bota E përdhunuan dhe thithën ketaminë nga trupi i saj, shpëthen skandali në Universitetin e Cornell; profesorët mbrojnë studentët e përfshirë 4 Tetor 2026, 08:4108:41Rajoni dhe Bota Konkurrenca me Kinën, Trump emëron Jay Clayton si "carin" qeveritar për Inteligjencën Artificiale 4 Tetor 2026, 08:2808:28Rajoni dhe Bota Video/ Alarm në Kretë, reshjet e dendura shkaktojnë përmbytje dhe rrëshqitje dheu 3 Tetor 2026, 22:5022:50Rajoni dhe Bota Misteri i Hormuzit: Pse Irani nuk po i godet më cisternat e naftës? 3 Tetor 2026, 20:4320:43Rajoni dhe Bota Dodik ashpërson retorikën para votimit: Bosnja dhe Hercegovina është e vdekur 3 Tetor 2026, 20:3620:36Rajoni dhe Bota