Rusia ka vijuar sulmet në Ukrainë edhe gjatë natës së kaluar, duke lëshuar breshëri raketash balistike dhe dronësh drejt Kievit dhe qyteteve të tjera. Sulmet vijnë në një moment kur në Paris u mblodh Koalicioni i të Vullnetshmëve, ku ditën e djeshme u formua ‘Koalicioni kundër raketave balistike’ për mbrojtjen e Ukrainës. LEXO edhe...Për herë të parë, SHBA-të përdorin dronë detarë në luftimet kundër Iranit U dëgjuan shpërthime dhe u raportuan zjarre, veçanërisht në jug të kryeqytetit, Kievit, raportojnë mediat e huaja. Sulmet e Moskës çuan në përhapjen e zjarreve në lagjet Holosiivskyi dhe Darnytskyi. Ukrinform raportoi këtë, duke cituar një deklaratë të lëshuar nga Administrata Ushtarake e Qytetit të Kievit (KCMA) nëpërmjet rrjetit social Telegram. KCMA raportoi gjithashtu zjarre në dy lokacione në lagjen Holosiivskyi, ndërsa kryebashkiaku i Kievit, Vitalii Klitschko, sqaroi pak më vonë se zjarret u shkaktuan nga sulmet ajrore ruse që synonin depot në lagjen Holosiivskyi. Sulme me dronë u kryen edhe në një qytet pranë Kharkiv, qyteti i dytë më i madh në Ukrainën verilindore, ku u plagosën gjashtë persona, sipas guvernatorit rajonal i Kharkivit, Oleh Syniehubov. Po ashtu, në qytetin juglindor të Zaporizhzhisë, dronët rusë goditën zona banimi dhe zona të tjera, duke plagosur 11 persona, njoftuan shërbimet e emergjencës. Pavarësisht përpjekjeve të Presidentit amerikan Donald Trump për gjetjen e një zgjidhjeje që do t’i jepte fund luftës në Ukrainë, një marrëveshje armëpushimi duket ende larg. R.Xh/ReportTv.al dronë raketa balistike kiev rusia sulmon ukrainen ukraine Rusi Komento Komente Sondazhi i ditës: Gafa e sulmeve ndaj bizneseve e ka dëmtuar frymën e protestës? Po! 77.6% Jo! 19.2% Disi! 3.2% Vota total: 5054 Sondazhi i ditës: Gafa e sulmeve ndaj bizneseve e ka dëmtuar frymën e protestës?
